ბიონსემ პიტსბურგში დაგეგმილი კონცერტი ტექნიკური სირთულეების გამო გააუქმა

ბილეთების მფლობელებს თანხა ავტომატურად უკან დაუბრუნდებათ.
ფოტო: კევინ მაზური

ბიონსემ Renaissance-ის მსოფლიო ტურნეს ფარგლებში, პიტსბურგში Acrisure Stadium-ზე დაგეგმილი კონცერტი გააუქმა. ამის შესახებ ვენიუს ადმინისტრაციამ 5 ივლისს განაცხადა. როგორც განცხადებაში აღინიშნა, შოუს გაუქმების მიზეზი „ფროდაქშენის ლოჯისტიკასა და დაგეგმარებასთან დაკავშირებული სირთულეები“ გახდა. პიტსბურგის კონცერტის თარიღი Renaissance-ის მსოფლიო ტურნეს განრიგიდანაც გაქრა. 

რაც შეხება კონცერტზე დასწრების მსურველებს, ბილეთების მფლობელებს თანხა ავტომატურად უკან დაუბრუნდებათ. 

Პრეს-კონფერენციაზე ბიონსეს პიტსბურგის კონცერტის გაუქმებასთან დაკავშირებით კომენტარი არ გაუკეთებია. ვარსკვლავის წარმომადგენლებმა არც Billboard-ის კითხვას უპასუხეს და დამატებითი დეტალების გასაჯაროებისაგან თავი შეიკავეს.

შემდეგი კონცერტი, რომელსაც ბიონსე ტურნეს ფარგლებში გამართავს, ბოსტონში 1-ლ აგვისტოს დაგეგმილი შოუა. ამის შემდეგ ვარსკვლავის კონცერტები 5-6 აგვისტოს ვაშინგტონში გაიმართება.

Renaissance-ის მსოფლიო ტურნეს პირველი ეტაპი ევროპის მასშტაბით ჩატარებული შოუები იყო. ევროპაში ბოლო შოუ არტისტმა 27 ივნისს, პოლონეთის დედაქალაქ ვარშავაში გამართა. Billboard-ისთვის გადაცემული ინფორმაციის მიხედვით, ბიონსემ ევროპაში 21 შოუს ფარგლებში 1 მილიონზე მეტი ბილეთი გაყიდა და 154.4 მილიონი დოლარი გამოიმუშავა. 

ნახეთ პოსტი, რომლითაც პიტსბურგის Acrisure Stadium-მა კონცერტის გაუქმების შესახებ ინფორმაცია გაავრცელა:

Share
Tweet
Share
Share
Share

წინა სტატია

Cardi B-მ ქუჩის მუსიკოსთან ერთად  იმღერა

შემდეგი სტატია

ლას ვეგასი Adele-ის პერფორმანსი. ფოტო: კევინ მაზური

კონცერტის დროს Adele-მა ნივთების სროლის გამო მსმენელებს მკაცრი გაფრთხილება მისცა 

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი