არიანა გრანდეს მუსიკალური ვიდეო, რომელიც გადაღებულია კომპოზიციაზე Into You ვიდეოების გაზიარების პლატფორმა Youtube-ის ყველაზე რეიტინგული კლიპების რიგებს შეუერთდა. ვიდეოს ნახვების რაოდენობამ ერთ მილიარდს გადააჭარბა.
არიანა გრანდემ Into You 2016 წელს გამოუშვა. სიმღერა შესულია პოპ ვარსკვლავის ამავე წლის ალბომში სახელწოდებით Dangerous Woman. სიმღერა მალევე იქცა გრანდეს ერთ-ერთ ჰიტად. იმავე წელს, გამოცემის შემდეგ კომპოზიცია Billboard 100-ის ჩარტებში მე-13 ადგილს იკავებდა.
აღსანიშნავია, რომ ბოლო დღეების განმავლობაში მომღერალი საერთაშორისო პრესის ყურადღების ცენტრშია. სხვადასხვა გავლენიანი მედიის მიერ გავრცელებული ინფორმაციით, არიანა გრანდე და დალტონ გომესი ორწლიანი ქორწინების შემდეგ დაშორდნენ.
ნახეთ არიანა გრანდეს მუსიკალური ვიდეო – Into You:
