კაილი მინოუგი იმ ადამიანთა სიას დაემატა, ვინც მადონას გამოჯანმრთელების გზაზე კეთილ სურვილებს უგზავნის. ახალ ინტერვიუში მინოუგმა მადონას სწრაფი გამოჯანმრთელება უსურვა. ასევე აღნიშნა, რომ კარგად იცის, ტურნეების სისასტიკე და ის, თუ როგორ მიაქვს გზაზე ყოფნას შენი დიდი ნაწილი.
„მესმის მისი. მესმის ყველასი, ვინც ტურნეს მართავს, მაგრამ განსაკუთრებით – ქალების,” – ამბობს მინოუგი. „ვფიქრობ, ეს ჩვენთვის უფრო მეტი შრომა და ძალისხმევაა. მე აუცილებლად შევიძენ მადონას კონცერტის ბილეთებს, როცა სცენაზე დაბრუნდება.”
მინოუგმა, რომლის მე-16 სტუდიური ალბომიც 22 სექტემბერს გამოვა, ინტერვიუში ისიც აღნიშნა, რომ მადონასთან დიდი სიხარულით ითანამშრომლებდა: „რა თქმა უნდა, ვითანამშრომლებდი! ის ტურნეში მიდის. მე არ მაქვს მისი ნომერი, მაგრამ მეც რომ ქალაქში ვიყო და ისიც, ეს საოცარი იქნებოდა. ალბათ შენობები დაინგრეოდა. გაფრთხილებების დაგზავნა დაგვჭირდებოდა!”
ჯანმრთელობის პრობლემების გამო მადონას კარიერის 40 წლის იუბილეს აღსანიშნავი ტურნე გადაიდო. ჰოსპიტალიზაციის შემდეგ 64 წლის მომღერალი ბიონსეს კონცერტზე გამოჩნდა.
