როდრიგესი, ოსკაროსანი დოკუმენტური ფილმის Searching For Sugar Man-ის მთავარი გმირი, 81 წლის ასაკში გარდაიცვალა

მუსიკოსმა 70-იან წლებში ორი ალბომი გამოსცა, რის შემდეგაც სცენიდან გაქრა.
სიქსტო დიას როდრიგესი
Roberto Ricciuti/Redferns via Getty Images

იდუმალებით მოცული მუსიკოსი სიქსტო დიას როდრიგესი – ცნობილი, როგორც უბრალოდ როდრიგესი – 81 წლის ასაკში გარდაიცვალა. განცხადება ამის შესახებ მის ოფიციალურ ვებგვერდზე გავრცელდა.

„დიდი მწუხარებით გაცნობებთ, რომ სიქსტო დიას როდრიგესი გარდაიცვალა. ვუსამძიმრებთ მის ქალიშვილებს – სანდრას, ევასა და რეგანს და ასევე მთელ მის ოჯახს,” – ვკითხულობთ განცხადებაში. Detroit News-ის ინფორმაციით, როდრიგესს ჯანმრთელობის პრობლემები ჰქონდა, თუმცა მისი გარდაცვალების მიზეზი ცნობილი არ არის. 

ბობ დილანის სტილის ფოლკ მომღერალმა სულ ორი ალბომი ჩაწერა: Cold Fact 1970 წელს და Coming From Reality 1971 წელს, რის შემდეგაც მუსიკალური ინდუსტრიიდან საერთოდ გაქრა. მალევე როდრიგესმა დიდი პოპულარობა მოიპოვა სამხრეთ აფრიკაში ისე, რომ  თავად ამის შესახებ არაფერი იცოდა. Მის სამხრეთ აფრიკელ გულშემატკივარს კი საყვარელ მომღერალზე არანაირი ინფორმაცია არ ჰქონდა. არსებობდა მხოლოდ არასწორი ვერსიები, რომ მეორე ალბომის გამოსვლიდან მალევე როდრიგესმა სიცოცხლე თვითმკვლელობით დაასრულა. 

1990-იან წლებში როდრიგესის ორმა ფანმა კეიპტაუნიდან გადაწყვიტეს, გაერკვიათ, თუ რა შეემთხვა მათ საყვარელ მომღერალს. ამ მოგზაურობისას კი აღმოაჩინეს, რომ როდრიგესი სინამდვილეში ცოცხალი იყო. სწორედ ეს ისტორიაა აღბეჭდილი 2012 წელს გამოცემულ დოკუმენტურ ფილმში სახელწოდებით Searching for Sugar Man, რომელმაც საუკეთესო დოკუმენტური ფილმის ნომინაციაში ოსკარი მოიპოვა. 

ფილმის გამოსვლის შემდეგ როდრიგესის მიმართ ინტერესი გაიზარდა. 2012 წელს ის დევიდ ლეტერმანის შოუში მიიწვიეს, სადაც ორკესტრთან ერთად იმღერა. 2013 წელს კი როდრიგესი უკვე კოაჩელას, მონტროსა და და გლასტონბერის ფესტივალების სცენაზე წარდგა. 

Share
Tweet
Share
Share
Share

წინა სტატია

რობი რობერტსონი 80 წლის ასაკში გარდაიცვალა

შემდეგი სტატია

Killages ახალ ვიდეოკლიპს აზიარებს

შეიძლება დაგაინტერესოთ

1971 – გოგი ძოძუაშვილმა, პროექტით Post Industrial Boys, ავტობიოგრაფიული ალბომი წარადგინა

„Post Industrial Boys თავიდანვე პერსონალური პროექტი იყო. ვაკეთებდი იმას, რაც მე მომწონდა და მინდოდა. ეს პროცესი თავისთავად უამრავ ექსპერიმენტსაც მოიცავდა.”
მეტი

უიტნი ჰიუსტონის შესახებ გადაღებული ფილმის პროდიუსერებს Sony Music საავტორო უფლებების დარღვევისთვის უჩივის

მუსიკალური გიგანტის თქმით, მიუხედავად სალიცენზიო კონტრაქტის გაფორმებისა, ფილმის საპროდიუსერო კომპანიებს მათთვის თანხა არ გადაუხდიათ.
მეტი