თვეები გავიდა მას შემდეგ, რაც Timbaland-ის, ჯასტინ ტიმბერლეიკისა და ნელი ფურტადოს ახალი თანამშრომლობის შესახებ გახდა ცნობილი. ამჯერად Timbaland-მა ერთობლივი სიმღერის სახელწოდებაც გაასაჯაროვა. Keep Going Up! – ასე ჰქვია ტრეკს, რომელიც პირველ სექტემბერს გამოვა. Timbaland-მა სიმღერის სახელწოდება სოციალურ მედიაში გამოქვეყნებული პოსტით გაამხილა.
Timbaland-მა, ჯასტინ ტიმბერლეიკმა და ნელი ფურტადომ პირველი ერთობლივი სიმღერა – Give It to Me 2007 წელს გამოუშვეს. სიმღერა Billboard Hot 100-ის ჩარტებში პირველ ადგილს იკავებდა. გასულ კვირას Timbaland-მა თიზერი ატვირთა. „ჩვენ დავბრუნდით“ – ასე დაასათაურა ცნობილმა პროდიუსერმა ვიდეო.
Timbaland-მა ახალი ალბომიც დააანონსა, რომელიც ნოემბერში გამოიცემა. ბოლო ალბომი სახელწოდებით Shock Value II პროდიუსერმა 2009 წელს გამოსცა.
ნახეთ პოსტი, რომლითაც Timbaland-მა ჯასტინ ტიმბერლეიკთან და ნელი ფურტადოსთან ერთად ჩაწერილი სიმღერის სახელწოდება გაავრცელა:
