ქართველმა არტისტმა Vinda Folio-მ ახალი EP სახელწოდებით „მოზაიკის ეფექტი“ გამოუშვა. ნამუშევარი 8 ტრეკს აერთიანებს და მუსიკალურ სტრიმინგ პლატფორმებზე უკვე ხელმისაწვდომია. როგორც არტისტი „Billboard საქართველოსთან“ საუბრისას აღნიშნავს, EP-ში შესული მუსიკალური ნამუშევრები პოსტ-პანკის სივრცეში შეგვიძლია მოვიაზროთ.
Vinda Folio, მუსიკოსი:
„ მუშაობის პროცესი მშვიდი თვითდინებით მიდიოდა. ამ სიმღერებზე მუშაობა, Eko & Vinda Folio-ს ალბომის, “თერაპიის” გამოსვლის შემდეგ დაიწყო და აი, 2023 წლისთვის ჩავთვალე რომ მზად არის.“
რაც შეეხება ნამუშევრის სახელწოდებას, მის შინაარსობრივ დატვირთვაზე საუბრისას Vinda Folio ამბობს, რომ ის თანამედროვე სამყაროსთან ერთგვარ მსგავსებას გამოხატავს. „სამყაროს რომელშიც ჩვენ ვცხოვრობთ “მოზაიკის ეფექტში”-ა გატარებული, იმისთვის რომ დეტალები არ ჩანდეს.“
აღსანიშნავია, რომ EP-ის ე.წ. ქავერ არტი ხელოვნური ინტელექტის შექმნილია. ტიპოგრაფიის ავტორია Grdzelo, ხოლო მასტერინგსა და მიქსინგზე თორნიკე გველესიანმა იმუშავა.
მოუსმინეთ Vinda Folio-ს EP სახელწოდებით „მოზაიკის ეფექტი“ :
