U2-ს ახალი სიმღერის Atomic City-ს დებიუტი 16 სექტემბერს, ლას-ვეგასში, მუსიკალური ვიდეოს გადაღების დროს შედგა.
ვიდეო-კლიპის გადაღების დროს ლას-ვეგასის ცენტრში, სატვირთო მანქანაზე დამონტაჟებული სცენიდან U2-მ სიმღერა ცოცხლად შეასრულა. სატვირთო მანქანა სწორედ იმ ტერიტორიაზე მოძრაობდა, სადაც ბენდმა 1987 წელს, ვიდეო-კლიპი I Still Haven’t Found What I’m Looking For გადაიღო.
ბონომ Atomic City-ის გადაღების დროს აღნიშნა, რომ ეს სიმღერა 70-იანი წლების პოსტ-პანკ ჯგუფების Blondie-ს და Clash-ის შთაგონებით შეიქმნა.
U2 ახალ კონცერტების სერიას ლას-ვეგასში, 29 სექტემბერს დაიწყებს და ოცზე მეტ შოუს ახალ საკონცერტო დარბაზ Sphere at The Venetian-ში გამართავს.
ნახეთ Atomic City-ს ვიდეოს გადაღების პროცესი, რომელიც ერთ-ერთმა გულშემატკივარმა გადაიღო.
