მალე მაყურებელი ტიმოთი შალამეს ფილმში სახელწოდებით Wonka ცნობილი პერსონაჟის როლში იხილავს. Wonka ბრიტანელი ავტორის, როალდ დალის 1964 წლის რომანის, სახელწოდებით Charlie and the Chocolate Factory ადაპტაციაა. ახლახან, ფილმის რეჟისორმა – პოლ კინგმა სურათის მუსიკალური ნაწილის შესახებ ისაუბრა. „არ მსურდა, რომ ეს ყოფილიყო უბრალოდ მიუზიკლი, სადაც პერსონაჟები დიალოგებისას კონკრეტული დატვირთვის გარეშე მღერიან. მიმაჩნია, რომ არის ეს იქნება ფილმი სიმღერებით და არა – მიუზიკლი.“ – აღნიშნა კინგმა Total Film magazine-თან ინტერვიუში.
პოლ კინგმა ტიმოთი შალამეს მუსიკალურ შესაძლებლობებზეც ისაუბრა და ამბობს, რომ მას „მშვენიერი სასიმღერო ხმა აქვს“. რეჟისორის თქმით, შალამეს ვოკალურმა უნარებმა თავისი საყვარელი მომღერალი გაახსენა – „იგი ბინგ კროსბის მახსენებს. მას დიდი დიაპაზონი აქვს და ნამდვილ, რეალურ ემოციებს გადმოსცემს. შესაძლოა თავდადებული ფანივით ვსაუბრობ.“
Rolling Stone-თან ინტერვიუში კინგმა აღნიშნა, რომ ვილი ვონკას პერსონაჟზე ის თავიდანვე კონკრეტულად ტიმოთი შალამეს განიხილავდა. „ეს ტიმოთი შალამეა. სასწავლებელში ყოფნისას მისი მუსიკალური შესრულების ვიდეოები Youtube-ზეა განთავსებული და მათ ათიათასობით ნახვა აქვს.“ – აღნიშნა რეჟისორმა. „ვიცოდი, რომ ტიმოთი შალამეს სიმღერა და ცეკვა შეეძლო, თუმცა არ ვიცოდი, ამ მხრივ რამდენად კარგი იყო. როდესაც ვესაუბრე, ძალიან დაინტერესდა.“ – თქვა პოლ კინგმა ინტერვიუში.
ტიმოთი შალამესთან ერთად, ფილმში Wonka ასევე მონაწილეობენ კიგან-მაიკლ ქი, სალი ჰოუკინსი, ჰიუ გრანტი, ოლივია კოლმენი და როუენ ატკინსონი. ფილმის პრემიერა 2023 წლის 15 დეკემბერს შედგება.
ნახეთ Wonka-ს ტრეილერი:
