BLACKPINK-ის ლისამ, სიმღერით Money, მსოფლიო რეკორდი დაამყარა

სოლო შემსრულებლის ამპლუაში ლისა უკვე ოთხგზის გინესის მსოფლიო რეკორდსმენია.

ცნობილი K-pop ჯგუფის, BLACKPINK-ის წევრმა ლისამ სოლო შემსრულებლის ამპლუაში გინესის მსოფლიო რეკორდი დაამყარა. მის ტრეკს, სახელწოდებით Money, სტრიმინგ სერვის Spotify-ზე მილიარდი მოსმენა აქვს. 

გინესის მსოფლიო რეკორდების ორგანიზაციის მიხედვით, ლისას Money  K-pop-ის სოლო შემსრულებლის პირველი ნამუშევარია, რომელსაც Spotify-ზე მილიარდჯერ მოუსმინეს. Money ლისას 2021 წლის EP-ის –  Lalisa-ს ერთ-ერთი ტრეკია. სინგლი Billboard Hot 100-ის ჩარტებში 90-ე ადგილს იკავებდა.

ლისასთვის ეს პირველი მსოფლიო რეკორდი არ არის. 2022 წელს ის პირველი K-pop არტისტი გახდა, რომელმაც MTV Video Music Awards-ზე გაიმარჯვა. ასევე 2022 წელს ლისამ MTV Europe Music Awards-ის ჯილდოც მოიპოვა და ამ გამარჯვებითაც გინესის მსოფლიო რეკორდი დაამყარა. კიდევ ერთი რეკორდი სოციალური მედიის მონაცემებს ეყრდნობა – K-pop არტისებს შორის ლისას ინსტაგრამზე ყველაზე მეტი – 97,8 მილიონი გამომწერი ჰყავს.

გარდა ლისას სოლო კარიერისა, აღსანიშნავია BLACKPINK-ის მიერ დამყარებული რეკორდებიც. BLACKPINK-ს სხვა ბენდებს შორის Youtube-ზე ყველაზე მეტი გამომწერი ჰყავს. მუსიკალური კოლექტივი, ქალებისაგან შემდგარ ჯგუფებს შორის, Spotify-ს სტრიმებითაც ლიდერობს. BLACKPINK ასევე არის პირველი K-pop ჯგუფი, რომელმაც გაერთიანებული სამეფოს ჩარტებში, ქალი არტისტების ალბომების კატეგორიაში პირველი ადგილი დაიკავა. ქალ არტისტებში BLACKPINK Billboard 200-ის ჩარტებშიც წამყვან პოზიციას იკავებდა. 

Share
Tweet
Share
Share
Share

წინა სტატია

ANIK - Feel

ANIK-ის ახალი სიმღერის და მუსიკალური ვიდეოს Feel-ის პრემიერა

შემდეგი სტატია

დინამო არენაზე ბრუნო მარსის კონცერტი გაიმართა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი