ბრიტნი სპირსი პოლიციას მისი შემოწმების გამო აკრიტიკებს. სამართალდამცველებმა სპირსი მას შემდეგ შეამოწმეს, რაც მომღერალმა სოციალურ ქსელში ვიდეო გამოაქვეყნა, სადაც საკუთარ სახლში დანებით ცეკვავდა.
„პოლიციელები სახლში მომადგნენ და მითხრეს, რომ არ წავიდოდნენ, სანამ არ დამელაპარაკებოდნენ,” – დაწერა მომღერალმა ინსტაგრამზე.
ვიდეომ, რომელშიც მომღერალი ორი დიდი დანით ცეკვავს, სპირსის ფანების შეშფოთება გამოიწვია. შედეგად, პოლიცია მომღერლის სახლში მივიდა, რათა მის უსაფრთხოებაში დარწმუნებულიყო. მოგვიანებით სპირსმა ახსნა, რომ დანები ხელოვნური იყო.
„ჩემს საკუთარ სახლში ვიჩაგრები ამდენი ხანია… საკმარისია!” – წერს სპირსი.
მომღერლის პოსტს თან ახლავს ფოტო, რომელშიც ბალეტის მოცეკვავე დანების წვერებზე დგას.
ნახეთ ბრიტნი სპირსის ინსტაგრამის პოსტი:
