დონალდ ტრამპი ტეილორ სვიფტისა და ტრევის კელსის სავარაუდო რომანს ეხმაურება. The Daily Caller-თან-თან ინტერვიუში ყოფილ პრეზიდენტს მომღერლისა და ფეხბურთელის რომანზე აზრი ჰკითხეს.
„ორივეს საუკეთესოს ვუსურვებ. იმედია, რომ ცხოვრებით ტკბებიან, შეიძლება ერთად, შეიძლება არა. უფრო – არა,” – უპასუხა ტრამპმა.
მას შემდეგ, რაც 24 სექტემბერს ტეილორ სვიფტი ტრევის კელსის თამაშს დაესწრო, ფანები მათ სავარაუდო რომანზე ალაპარაკდნენ.
წყვილის ურთიერთობა ივლისში დაიწყო, როცა კელსმა სვიფტის კონცერტის დროს მისთვის სამაჯურის გადაცემა სცადა, რომელზეც მისი მობილურის ნომერი იყო დატანილი. თუმცა არ გამოუვიდა. შემდეგ ფეხბურთელმა მომღერალი თავის თამაშზე დაპატიჟა. ყველასთვის მოულოდნელად სვიფტმა მოწვევა მიიღო და 24 სექტემბერს როგორც საკუთარი, ასევე ფეხბურთის ფანები სტადიონზე მისვლით გააოცა. სვიფტი კელსს ფეხბურთელის დედასთან ერთად გულშემატკივრობდა. წყვილმა სტადიონი ერთად დატოვა, რის შემდეგაც კელსის მანქანაშიც ერთად შენიშნეს.
