50 Cent-მა საკონცერტო ტურნეს – Final Lap-ის ფარგლებში, ლონდონში შოუ გამართა. კონცერტი O2 Arena-ზე მიმდინარეობდა, როდესაც სცენაზე მოულოდნელი სტუმარი გამოჩნდა. რეპერის შოუზე მისული მსმენელის წინაშე ედ შირანი წარდგა. მის გამოჩენას შოუს ელემენტები ახლდა – სცენაზე დიდი ყუთი იყო დამონტაჟებული, რომელსაც ეწერა: „ამ ყუთში მონსტრია.“ მალევე ყუთმა მოძრაობა დაიწყო და აუდიტორიამ შირანი დაინახა.
მომღერალმა 2017 წლის ჰიტი, სახელწოდებით Shape of You შეასრულა. შემდეგ კი არტისტი ამ მომენტს ინსტაგრამის ისტორიაში გამოქვეყნებული პოსტით გამოეხმაურა – „50 Cent-მა O2-ზე მიმიწვია, რათა Shape of You შემესრულებინა.“ შირანმა ეს აღწერა დაურთო ვიდეოს, რომელშიც ის კულისებში რეპერის ტრეკს, სახელწოდებით 21 Questions მღერის.
ედ შირანს და 50 Cent-ს წარსულში მუსიკალური თანამშრომლობა აკავშირებთ. შირანი 50 Cent-თან და Eminem-თან ერთად ასრულებს სიმღერას, სახელწოდებით Remember The Name, რომელიც შესულია მომღერლის 2019 წლის ალბომში – No. 6 Collaborations Project.
ნახეთ ვიდეო, რომელშიც ედ შირანის სცენაზე გამოჩენის მომენტია ასახული.
