მარიამი წლებია ამერიკაში ცხოვრობს, პროქტ SpaceShmu-ს სახელით კი რამდენიმე დღეა, რაც მუსიკალურ პლატფორმებზე მისი პირველი სიმღერა გამოჩნდა. 2023 წლის ზაფხულში მარიამ შარვაშიძემ ნიუ იორკის უნივერსიტეტის NYU- Songwriting-ის კურსი სრული დაფინანსებით გაიარა.
სიმღერა You Don’t Live Here Anymore მარიამ შარვაშიძის სადებიუტო სინგლია.
მარიამ შარვაშიძე – SpaceShmu:
„ეს სიმღერა დაახლოებით 7-8 წლის დავწერე, თუმცა იმდენი დრო გავიდა ზუსტი ინსპირაცია რა იყო აღარც მახსოვს. რამდენიმე წლის წინ დემო ვერსიების ჩაწერა გადავწყვიტე და პირველ სიმღერად ეს ავიღე, რადგან ყველაზე მეტად დასრულებული სახით ეს იყო. ჩემმა მეგობარმა, რომ მოისმინა გადავწყვიტეთ ერთად გაგვეკეთებინა. დამეხმარა სიმღერის ჩაწერაში, ფროდაქშენში. ეს არის ტალ მაშიახი – გრემის ნომინანტი ბასისტი, რომელიც ასევე კომპოზიტორია. ტექსტი და მუსიკა ჩემი დაწერილია, ფროდაქშენი ტალმა გააკეთა, ასევე ყველა ინსტრუმენტზე დასარტყამის გარდა ტალი უკრავს, დრამი კი მოგვიანებით შაი იუვალმა ჩაგვიწერა.
შარშან სექტემბერში დავიწყეთ მუშაობა და ნელ-ნელა ვაკეთებდით ამ სიმღერას.
მუსიკალური განათლება არ მაქვს და არც ვმღერი, ჩემი ძირითადი მიზანი სიმღერების წერაა, ე.წ. songwriter ვარ. სამომავლო გეგმებს რაც შეეხება, ალბათ კიდევ გამოვუშვებ სიმღერებს, თუმცა უმეტესად სხვებთან კოლაბორაციით და სიმღერების წერით დავკავდები.”
მოისმინეთ SpaceShmu-ს სინგლი You Don’t Live Here Anymore:
