ჯენიფერ ლოპესმა მომავალი მეცხრე ალბომიდან This Is Me… Now, პირველი სინგლი სახელწოდებით Can’t Get Enough გამოსცა. დეივ მეიერსის რეჟისორობით ვიდეო-კლიპი საქორწილო თემაზეა შექმნილი.
Can’t Get Enough ვიდეო-კლიპში საქმრო სხვადასხვა მამაკაცია, როგორც ჩანს ეს ჯენიფერ ლოპესის ოთხ ქორწინებაზე მიანიშნებს.
დეივ მეიერსის რეჟისორობით გადაღებული ფილმის და ამავე სახელწოდების ალბომის This Is Me… Now-ს პრემიერა 2024 წლის 16 თებერვალს შედგება. ფილმის აღწერაში კი ვკითხულობთ: „ეს არის სასიყვარულო ნარატივით ორიენტირებული კინემატოგრაფიული და მუსიკალური ოდისეა, რომელიც მითოლოგიითა და იუმორით არის გაჟღენთილი.“
ათწლიანი პაუზის შემდეგ This Is Me… Now ვარსკვლავის პირველი სტუდიური სოლო ალბომია. ალბომი პოპის, R&B-ისა და ჰიპ-ჰოპის ელემენტებს აერთიანებს, რომელიც მრავალფეროვანი ჟანრების შერწყმით არის გამდიდრებული. ცხოვრებისეული და სასიყვარულო ურთიერთობებით გაჯერებული ტექსტები კი ჯენიფერ ლოპესის ცხოვრებისეული ისტორიის ინტროსპექციაა.
ნახეთ ჯენიფერ ლოპესის ვიდეო-კლიპი Can’t Get Enough
