ბონ ჯოვის შესახებ გადაღებული დოკუმენტური სერიალის პრემიერა აპრილში შედგება

ოთხნაწილიანი სერიალი Thank You, Goodnight ბენდის 40 წლის იუბილეს ეძღვნება.
ბონ ჯოვი, 1984 წელი
Koh Hasebe/Shinko Music/Getty Images

მსოფლიოს ერთ-ერთი ყველაზე წარმატებული როკბენდი Ბონ ჯოვი 40 წლის იუბილეს აღნიშნავს და ამ თარიღთან დაკავშირებით ჯგუფის ისტორია კინოეკრანებზე ფილმის სახით გამოვა. Thank You, Goodnight: The Bon Jovi Story ოთხნაწილიანი დოკუმენტური სერიალი იქნება, რომლის პრემიერაც 26 აპრილს Hulu-ზე შედგება. ფილმი ჯგუფის ყველა ყოფილ და ახლანდელ წევრთან თანამშრომლობით შეიქმნა და აღწერს ბონ ჯოვის აღმასვლის ქრონიკებს ნიუ-ჯერსის კლუბებიდან მსოფლიო სტადიონებამდე.

როკ-ენ-როლის დიდების დარბაზში შესული ბენდი თერთმეტჯერ მოხვდა Billboard-ის 200 ალბომის ჩარტის ტოპ ათეულში. მათ შორის პირველ ადგილზე გავიდა ალბომები: Slippery When Wet, New Jersey, Lost Highway და This House is Not for Sale. ჯგუფს ასევე აქვს Billboard Hot 100-ის ლიდერი სიმღერები: You Give Love a Bad Name, Livin’ on a Prayer, Bad Medicine და I’ll Be There for You.

ფილმში ხაზგასმული იქნება ბენდის სოლისტის, ჯონ ბონ ჯოვის საქველმოქმედო საქმიანობაც ფონდით Bon Jovi Soul Foundation, რომელიც უსახლკარობის, სიღარიბისა და შიმშილის პრობლემებზე ზრუნავს.

ფილმს დოკუმენტალისტი, Religion of Sports-ის ავტორი გოთამ ჩოპრა იღებს, რომელსაც ნამუშევარი აქვს დოკუმენტურ ფილმებზე ისეთი სპორტსმენების შესახებ, როგორებიც არიან ტომ ბრედი (Tom v. Time and Man in the Arena), კობი ბრაიანტი (Kobe Bryant’s Muse),  ლებრონ ჯეიმსი (Shut Up and Dribble) და სხვები.

Ბონ ჯოვის 40 წლის იუბილეს აღნიშვნა 2 თებერვალს, გრემიმდე ორი დღით ადრე დაიწყება MusiCares-ის დაჯილდოებაზე, სადაც ჯონ ბონ ჯოვს წლის პერსონად დაასახელებენ.  

Share
Tweet
Share
Share
Share

წინა სტატია

ტეილორ სვიფტის სახლში შეჭრის სავარაუდო მცდელობისათვის პოლიციამ მამაკაცი დააკავა

შემდეგი სტატია

კანიე უესტი Vultures-ის ტრეილერს აქვეყნებს

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი