„ხალხის რჩეულის“ დაჯილდოვების ცერემონიაზე ლენი კრავიცს მუსიკის ლეგენდის ჯილდო გადაეცა

მუსიკოსმა თავისი კლასიკური ჰიტების მინი-სეტი გამართა და ემოციური სიტყვაც წარმოთქვა.
ლენი კრავიცი - ფოტო: მარკ სელიგერი
ლენი კრავიცი – ფოტო: მარკ სელიგერი

2024 წლის „ხალხის რჩეულის“ დაჯილდოებაზე ლენი კრავიცს მუსიკის ლეგენდის ჯილდო გადაეცა, რა დროსაც მუსიკოსი აუდიტორიის წინაშე ემოციური სიტყვით წარდგა. კრავიცმა იმ სწორ ნაბიჯებზე ისაუბრა, რომლებიც მან მუსიკალური კარიერის განმავლობაში გადადგა.

ყველაზე მეტ ნომინაციაში ტეილორ სვიფტმა გაიმარჯვა, თუმცა, ავსტრალიის ტურნეს გამო, ის ღონისძიებაზე არ იმყოფებოდა. ლენი კრავიცმა კი საზეიმო საღამო ბევრისთვის ნამდვილ დღესასწაულად აქცია, როდესაც თავისი კლასიკური ჰიტების მინი-სეტი შეასრულა.

კრავიცს საპატიო პრიზი გრემის სამგზის მფლობელმა ვიქტორია მონემ გადასცა. 

„ბევრისთვის ეს ძალიან ბევრ რამეს ნიშნავს, ჩემთვის კი ის მნიშვნელობა აქვს, რომ შენ წარუშლელი კვალი დატოვე იმით, რაც ღმერთმა მოგანიჭა. გაბედეთ და იყავით განსხვავებულნი”.

„როცა პირველად ჩამოვედი, ბევრმა შემომთავაზა გარიგება, მათ სურდათ ჩემი მუსიკა შემეცვალა, მათთვის არ იყო ჩემი მუსიკა საკმარისად შავი ან საკმარისად თეთრი. ის ყუთში ლამაზად არ იფუთებოდა. მე უარი ვთქვი ფულზე და იმ დაპირებებზე, რომლებიც ვარსკვლავად მაქცევდა, რადგან საკუთარ იდენტობას დავკარგავდი და არ ვიქნებოდი ბუნებრივი”, – თქვა კრავიცმა სამადლობელ სიტყვაში.

ლენი კრავიცის აზრით ლეგენდა სწორედ ის არის, ვინც სხვებს ასწავლის და შთააგონებს, რომ პირველ რიგში საკუთარი თავის ირწმუნონ, მიჰყვნენ იმ მიმართულებას, რომელიც მათ აირჩიეს. 

„ჩემი მიზანი არასდროს ყოფილა ის, რომ ბევრი ჩანაწერი გამეყიდა ან ბევრი ჯილდო მიმეღო, არასდროს მქონია რაიმე ფორმულა ან წინასწარ გათვლილი ქმედება. ამ ყველაფერს ჩემი ცხოვრებისეული მოგზაურობისთვის, სიამოვნებისთვის, მადლიერების გამოხატვისთვის და იმ საჩუქრის სწორად გამოყენებისთვის ვაკეთებდი, რაც ღმერთმა ჩემთვის გაიმეტა. ეს მოგზაურობა ახლაც გრძელდება, რადგან მე მხოლოდ ჩემს თავზე ვმუშაობ.”

ეს მუსიკალური მოგზაურობა კარგა ხანი არ შეჩერდება, ამბობს ლენი კრავიცი. 

„მე მუსიკის გულშემატკივარი იქამდე ვიყავი სანამ მუსიკოსი გავხდებოდი. ჩემი მანტრა ახლაც იგივეა, რაც ოცდათხუთმეტი წლის წინ იყო: არასდროს მიჰყვე ტენდენციებს, დაიჭირე შენი ტემპი და გააანალიზე, რომ საუკეთესო აქ და ახლა ხდება, ის შენს წინ დევს”.

ლენი კრავიცის წარდგენისას ვიქტორია მონემ აღნიშნა: „ჩვენ ახლა აქ  იმიტომ ვიმყოფებით, რომ ხაზი გავუსვათ უდავო გენიოსის, ლენი კრავიცის შემოქმედებას. ამ ჩამონათვალიდან არცერთი აღწერა ერთმანეთს არ წინააღმდეგობა, იგი არის მამა, მომღერალი, სიმღერების ავტორი, პროდიუსერი, სასცენო შემსრულებელი, მსახიობი, დიზაინერი, მოდის კრიტიკოსი, ქველმოქმედი, მეოცნებე და უბრალოდ სიყვარულის მეფე”.

Share
Tweet
Share
Share
Share

წინა სტატია

უიტნი ჰიუსტონის შესახებ გადაღებული ფილმის პროდიუსერებს Sony Music საავტორო უფლებების დარღვევისთვის უჩივის

შემდეგი სტატია

პოლ მაკარტნიმ 50 წლის წინ მოპარული გიტარა დაიბრუნა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

OneRepublic – მსოფლიო ჰიტების ავტორი ბენდი Starring Georgia-ს სცენაზე

მსოფლიო მუსიკალურ სცენაზე გამოჩენიდან დღემდე ბენდმა 16 მილიონზე მეტი ჩანაწერი გაყიდა და შეძლო, რომ ყველა ალბომში წარედგინა ისეთი ტრეკი, რომელიც მსოფლიო ჰიტი ხდებოდა.
მეტი
Ninshū- (ლევან ქათამაძე)

ქართველი არტისტის,  Ninshū-ს (ლევან ქათამაძე) ახალი ალბომი   Presence –  ინტერვიუ Billboard საქართველოსთან

„ალბომზე მუშაობა დავიწყე 2023 წლის თებერვალში და, რაც უფრო მეტს ვმუშაობდი მასზე, მით უფრო აშკარა ხდებოდა ალბომის მთავარი სათქმელი და საბოლოოდ ალბომს დაერქვა Presence ანუ აწმყო.“
მეტი

ტეილორ სვიფტმა ვიდეო გამოაქვეყნა, სადაც სახე Post Malone-ის მსგავსი ტატუებით აქვს მოხატული

Fortnight ტეილორ სვიფტის პირველი მუსიკალური ვიდეოა ახალი ალბომიდან სახელწოდებით The Tortured Poets Department.
მეტი

ვაშინგტონის „ამერიკულმა უნივერსიტეტმა” ტეილორ სვიფტთან დაკავშირებული ეკონომიკის კურსი – Swiftonomics წარადგინა

მომღერალთან დაკავშირებული თემატური კურსები უკვე არსებობს ისეთ სახელგანთქმულ უნივერსიტეტებში, როგორებიც არის ჰარვარდი, სტენფორდი და სხვები.
მეტი
Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი