კრისტოფერ ნოლანის „ოპენჰაიმერი“ 2024 წლის ბრიტანეთის კინოაკადემიის დაჯილდოების (BAFTA) ტრიუმფატორია. ცერემონია 18 თებერვალს ლონდონში გაიმართა და მას Doctor Who-ს მსახიობი დევიდ ტენანტი უძღვებოდა.
„ოპენჰაიმერი” ჯამში შვიდი ნომინაციის გამარჯვებული გახდა. მათ შორისაა საუკეთესო ფილმი, საუკეთესო რეჟისორი (კრისტოფერ ნოლანი), საუკეთესო მსახიობი კაცი (კილიან მერფი), მამაკაცის მეორეხარისხოვანი როლის საუკეთესო შემსრულებელი (რობერტ დაუნი უმცროსი) და საუკეთესო მუსიკალური გაფორმება (ლუდვიგ გორანსონი).
„ოპენჰაიმერის” შემდეგ მოდის იორგოს ლანთიმოსის ფილმი Poor Things, რომელსაც ხუთი ჯილდო ხვდა წილად. მათ შორის პრიზი საუკეთესო ქალი მსახიობისთვის (ემა სტოუნი).
BAFTA-ს გამარჯვებულების უმრავლესობას 10 მარტს ოსკარსაც უწინასწარმეტყველებენ. მათ შორის არიან დავინ ჯოი რენდოლფი, ქალის მეორეხარისხოვანი როლის საუკეთესო შემსრულებელი ფილმისთვის The Holdovers. მართალია BAFTA ვერ მოიგო, თუმცა ოსკარის მიღების დიდი შანსი აქვს პოლ გიამატისაც – საუკეთესო მსახიობი კაცის ნომინაციაში.
Საუკეთესო მუსიკალური გაფორმებისთვის BAFTA გორანსონმა პირველად მოიგო. ბოლო ათი წლის განმავლობაში კი ცხრაჯერ ოსკარი BAFTA-ს ამავე კატეგორიის გამარჯვებულებს ხვდათ წილად. თუ გორანსონი წელს ოსკარსაც მიიღებს, ამ ნომინაციაში ეს მისი მეორე ჯილდო იქნება. 5 წლის წინ პირველი ოსკარი მან ფილმისთვის „შავი პანტერა“ დაიმსახურა.
მიუხედავად ცხრა ნომინაციისა, ვერც ერთი ჯილდო ვერ მიიღო ფილმმა Killers of the Flower Moon. ასევე ფილმებმა: „მაესტრო“ (შვიდი ნომინაცია), Strangers (ექვსი ნომინაცია), Saltburn (ხუთი ნომინაცია) და „ბარბი“ (ხუთი ნომინაცია). აღსანიშნავია, რომ საუკეთესო სიმღერის ნომინაცია, რომლისთვისაც „ბარბის“ ოსკარს უწინასწარმეტყველებენ, BAFTA-ს არ აქვს.
წლის საუკეთესო დოკუმენტური ფილმი „20 დღე მარიუპოლში“ გახდა, რომელმაც უკან ჩამოიტოვა ორი მუსიკალური დოკუმენტური ფილმი – American Symphony და Wham!.
ნომინაციების წარმდგენებს შორის იყვნენ დუა ლიპა და დევიდ ბექჰემი. პრინცი უილიამი კი, რომელიც 2010 წლის თებერვლიდან BAFTA-ს პრეზიდენტია, ცერემონიას თვალს დარბაზიდან ადევნებდა.
ნახეთ BAFTA-ს გამარჯვებულთა სია:
საუკეთესო ფილმი:
Anatomy of a Fall
The Holdovers
Killers of the Flower Moon
გამარჯვებული: Oppenheimer
Poor Things
საუკეთესო მსახიობი ქალი:
ფანტაზია ბარინო, The Color Purple
სანდრა ჰულერი , Anatomy of a Fall
კერი მულიგანი, Maestro
ვივიენ ოპარა, Rye Lane
მარგო რობი , Barbie
გამარჯვებული: ემა სტოუნი, Poor Things
საუკეთესო მსახიობი კაცი
ბრედლი კუპერი, Maestro
კოლმენ დომინგო, Rustin
პოლ გიამატი, The Holdovers
ბარი კეოგანი, Saltburn
გამარჯვებული: კილიან მერფი, Oppenheimer
ტეო იუ, Past Lives
ქალის მეორეხარისხოვანი როლის შემსრულებელი:
ემილი ბლანტი, Oppenheimer
დანიელ ბრუკსი, The Color Purple
კლერ ფოი, All of Us Strangers
სანდრა ჰულერი, The Zone of Interest
როსამუნდ პაიკი, Saltburn
გამარჯვებული: დავინ ჯოი რენდოლფი, The Holdovers
კაცის მეორეხარისხოვანი როლის შემსრულებელი:
რობერტ დე ნირო, Killers of the Flower Moon
გამარჯვებული: რობერტ დაუნი უმცროსი, Oppenheimer
ჯეიკობ ელორდი, Saltburn
რაიან გოსლინგი, Barbie
პოლ მესკალი, All of Us Strangers
დომინიკ სესა, The Holdovers
საუკეთესო რეჟისორი
All of Us Strangers, ენდრიუ ჰეიგი
Anatomy of a Fall, ჯასტინ ტრიე
The Holdovers, ალექსანდრ პეინი
Maestro, ბრედლი კუპერი
გამარჯვებული Oppenheimer, კრისტოფერ ნოლანი
The Zone of Interest, ჯონათან გლეიზერი
საუკეთესო ორიგინალი სცენარი:
გამარჯვებული: Anatomy of a Fall, ჯასტინ ტრიე, ართურ ჰარარი
Barbie, გრეტა გერვიგი, ნოა ბაუმბახი
The Holdovers, დევიდ ჰემინგსონი
Maestro, ბრედლი კუპერი, ჯოშ სინგერი
Past Lives, სელინ სონგი
საუკეთესო მუსიკალური გაფორმება:
Killers of the Flower Moon, რობი რობერტსონი
გამარჯვებული: Oppenheimer, ლუდვიგ გორანსონი
Poor Things, ჯერსკინ ფენდრიქსი
Saltburn, ენთონი უილისი
Spider-Man: Across the Spider-Verse, დენიელ პემბერტონი
საუკეთესო უცხოენოვანი ფილმი:
20 Days in Mariupol
Anatomy of a Fall
Past Lives
Society of the Snow
გამარჯვებული: The Zone of Interest
საუკეთესო ანიმაციური ფილმი:
გამარჯვებული: The Boy and the Heron
Chicken Run: Dawn of the Nugget
Elemental
Spider-Man: Across the Spider-Verse
საუკეთესო დოკუმენტური ფილმი:
გამარჯვებული: 20 Days in Mariupol
American Symphony
Beyond Utopia
Still: A Michael J. Fox Movie
Wham!
ნომინაციების სრული სია იხილეთ ბმულზე.
