Soft Eject-ის ყველაზე ცნობილი სიმღერის  შექმნის ისტორია

ირაკლი ჭელიშვილი, რომელმაც Please just carry on დაწერა და თავადვე შეასრულა, „ბილბორდ საქართველოს“ სიმღერის შექმნის ისტორიას უყვება.
Soft Eject - Please, just carry on
Soft Eject – Please, just carry on

90-იანი წლების ნოსტალგიური ელფერი და ტკბილი მოგონებები მუსიკალურად ალბათ ქართულ როკ-ჯგუფ Soft Eject-საც  უკავშირდება, რომელმაც იმ პერიოდის ქართულ მუსიკალურ სივრცეში ახალი სხივი შემოიტანა. ხუთი მეგობრისგან შექმნილ ჯგუფს (ირაკლი „პეჩო“ ჭელიშვილი, ვახო ბაბუნაშვილი, ოთარ ყარალაშვილი, გია ქარჩხაძე და ნოდარ მანჩხაშვილი) ინგლისურენოვანი მელოდიური სიმღერების გამო ხშირად „ბიტლზს“ ადარებდნენ.

მათი ერთ-ერთი ცნობილი სიმღერაა Please just carry on, რომლის შექმნის ისტორიას თავად ჯგუფის ვოკალისტი პეჩო (ირაკლი ჭელიშვილი) გვიყვება.

მიუხედავად იმისა, რომ სიმღერა საახალწლო თემატიკაზე სინამდვილეში სრულებით არ იყო დაწერილი, ვიდეო-კლიპის ნახვის და სიმღერის მოსმენის შემდეგ, ის მელოდიურობა, სიმშვიდე და სიმყუდროვე ბევრისთვის მაინც საახალწლო განწყობას ქმნის. 

სიმღერა 1995 წელს შეიქმნა და გერმანიაში, ქალაქ კიოლნის Sound Studio N-ში ჩაიწერა.

პეჩო | ირაკლი ჭელიშვილი

პეჩო | ირაკლი ჭელიშვილი: 

„Please just Carry on 95-ში დაიწერა, როგორც მახსოვს. ყველას გონია, რომ ეს არის საახალწლო სიმღერა. მესმის, ალბათ კლიპი იწვევს ამ ასოციაციას, თუმცა არანაირი კავშირი ამ სიმღერას არ ჰქონდა ახალ წელთან, არაფერ სახალისოსთან. ეს ჩემი ცოლისთვის დაწერილი სიმღერაა და ტექსტობრივადაც სრულიად განსხვავდება“.  ვიდეო-კლიპის გადაღებები თბილისის კინოსტუდიაში მიმდინარეობდა და მისი რეჟისორი ქუცნა ამირეჯიბია, მხატვარი კი შოთიკო გლურჯიძე.

„კლიპის გადაღება გადაწყდა და ამ გადაღებას და ყველაფრის მომზადებას სათავეში ჩაუდგა ჩვენი ძალიან ახლო მეგობარი ქუცნა ამირეჯიბი. ეს პირველი კლიპი იყო საქართველოში, რომლის გადაღებაც ვიდეოთი კი არ ხდებოდა, არამედ პროფესიონალური კამერით და კოდაკის ფირით. წარმოიდგინეთ, მაშინ კოდაკის ფირი სად უნდა გეშოვა და ჭაბუა ამირეჯიბმა ჩამოგვიტანა შვედეთიდან საჩუქრად. ვიღებდით კინოსტუდიაში, ყველაფერი პროფესიონალურად გაკეთდა. მხატვარი გვყავდა შოთიკო გლურჯიძე, რუსთაველის კინოს მხატვარი. შემდეგ ამ დეკორაციებსაც პავილიონში ერთად ვაწყობდით.

გადაღების პროცესი ძალიან საინტერესო და სასიამოვნო იყო. ეს სახლი, რომელიც ბოლო კადრში ჩანს, დახატა შოთიკო გლურჯიძემ, მერე ჯოხები დაზგით დამიჭრა და მე სახლში ავაწყვე. კლიპში არის ერთი მომენტი, რომელიც არ შეუმჩნევია არავის და მე ხინჯად დამრჩა. ფანჯრები რომ არის ტიხრებიანი ამ სახლზე, ერთ-ერთი ამოვარდა, კლიპში ვერავინ ვერ ამჩნევს ამ ფანჯარას, მე კი პირველი თვალში სწორედ ეს მხვდება საშინლად, რადგან ჩემი გაკეთებული იყო ეს ფანჯარა. მთლიანობაში გადაღება იყო ძალიან სასიამოვნო და საინტერესო. ჩემთვის პირადად „სოფტ ეჯექტის“ პერიოდი იყო ყველაზე ბედნიერი პერიოდი ცხოვრებაში. Რაღაცნაირად ასე გამოვიდა, რომ ხალხს მოეწონა ეს სიმღერაც და კლიპიც“. – ირაკლი ჭელიშვილი.

მოისმინეთ Soft Eject-ის სიმღერა Please just carry on

Share
Tweet
Share
Share
Share

Leave a Reply

წინა სტატია

„ოპენჰაიმერი“ BAFTA-ს ტრიუმფატორია

შემდეგი სტატია

ტეილორ სვიფტის თქმით, პანდემიისას, როდესაც თავის მორიგ ალბომზე მუშაობდა, თავს მარტოსულად გრძნობდა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი