„ბილბორდი“ K-პოპის მსოფლიო მასშტაბით პოპულარიზებაზე იზრუნებს 

„ბილბორდმა“ და „ბილბორდ კორეამ“ თავიანთი ძალები გააერთიანეს CJ ENM-სთან თანამშრომლობისთვის, რათა K-პოპ ინდუსტრიის გლობალური გავლენა გაზარდონ.

გასართობმა კომპანიამ CJ ENM „ბილბორდსა“ და „ბილბორდ კორეასთან“ მემორანდუმი გააფორმა. სამივე მხარე ერთმანეთს 18 აპრილს შეხვდა, სადაც განიხილეს სხვადასხვა სტრატეგია, თუ როგორ უნდა შეუწყონ ხელი K-პოპის გავლენის მთელ მსოფლიოში გავრცელებას. პარტნიორობის ქვეშ, სამივე ორგანიზაცია თავიანთ ძალებს მიმართავენ, რომ K-პოპ პროდუქტი გლობალურ აუდიტორიას მიაწვდინონ. 

„ბილბორდ აშშ“-სთან თანამშრომლობით „ბილბორდ კორეა“ ახალ სტრატეგიებს დანერგავს, მათ შორის ყოველთვიურად გამოაქვეყნებს K-პოპ მუსიკოსების ქავერებს და წამოიწყებს K-პოპ არტისტების გლობალურ პოპულარიზებას მათი საერთაშორისო აქტივობების მხარდასაჭერად. 

საერთო განცხადებაში „ბილბორდისა“ და „ბილბორდ კორეას“ ხელმძღვანელებმა აღნიშნეს: „CJ ENM-ის ჯილდოები ბრწყინვალე პლატფორმაა არტისტებისა და K-პოპის გლობალური ენთუზიასტების დასაკავშირებლად, რაც თანხვედრაში მოდის „ბილბორდის“ ხედვასთან. ჩვენ სამომავლოდ ამ ორი ორგანიზაციის მრავალფეროვან პარტნიორობას ველოდებით, იმ ძალისხმევის ჩათვლით, რომ აღმოაჩინონ ნიჭიერი არტისტები მთელი მსოფლიოს მასშტაბით.”