ჰოზიერი მუსიკალურ ჩარტებში კვლავ დაწინაურდა. 27 აპრილის კვირის მონაცემებით მუსიკოსი Billboard-ის Hot 100-ის ჩარტში პირველ ადგილს იკავებს სიმღერით Too Sweet. ამ წარმატებას ირლანდიელი არტისტი სოციალურ მედიაში გამოქვეყნებული პოსტით გამოეხმაურა და თავის ფანებს მიმართა.
„მინდა, ყველა მხარდამჭერს უდიდესი მადლობა გადაგიხადოთ, ყველა გულშემატკივარს მსოფლიოს გარშემო,”-წერს ჰოზიერი სოციალურ ქსელ X-ზე. „ეს ყველაფერი განსაცვიფრებელია, ძალიან გაკვირვებული ვარ და მინდა, თქვენი მხარდაჭერისათვის მადლობა გადაგიხადოთ. მიხარია, რომ Too Sweet მოგეწონათ. ეს ჩემთვის ყველაფერს ნიშნავს.”
ჰოზიერი სიმღერის Too Sweet თანაავტორი და თანაპროდიუსერია. სიმღერის პირველ ადგილზე მოხვედრა მუსიკოსისთვის სიმღერების ჩარტში პირველი ლიდერი პოზიციაა. სიმღერის ფრაგმენტი მსმენელმა პირველად 6 მარტს მოისმინა, როცა ის ერთ-ერთ პოდკასტში გაჟღერდა. 22 მარტს კი ჰოზიერის EP სახელწოდებით Unheard გამოიცა, რომელიც ოთხ ტრეკს აერთიანებს.
ნახეთ ჰოზიერის პოსტი სოციალურ ქსელში:
A huge thank you for all the incredible support from around the world 🖤 #TooSweet has reached #1 in the US, Australia, New Zealand, Canada and #1 for a second week in the UK and Ireland.
— Hozier (@Hozier) April 22, 2024
It means the world that you're enjoying this song so much. Thank you all 🖤 pic.twitter.com/osMW4dB1n2
