საქართველო ევროვიზია 2024-ის ფინალშია

Მეორე ნახევარფინალისტთა შორის არიან ასევე: შვეიცარია, ისრაელი, სომხეთი, ავსტრია, ესტონეთი, საბერძნეთი, ლატვია, ნიდერლანდები და ნორვეგია.
ნუცა ბუზალაძე, ფოტო: ვახტანგ ალანია
ნუცა ბუზალაძე, ფოტო: ვახტანგ ალანია

ევროვიზიის 68-ე ყოველწლიური სიმღერის კონკურსის ფინალისტები უკვე ცნობილია. ხუთშაბათს, 9 მაისს, ევროვიზიის მეორე ნახევარფინალში გასული 16 მონაწილიდან 10 ფინალში გადავიდა, საერთო ჯამში კი 11 მაისს ევროვიზიის ფინალში 26 ქვეყანა წარდგება: საქართველო, უკრაინა, გერმანია, შვედეთი, ლუქსემბურგი, ნორვეგია, იტალია, ნიდერლანდები, ისრაელი, ლიეტუვა, ესპანეთი, ესტონეთი, ირლანდია, ლატვია, საბერძნეთი, დიდი ბრიტანეთი, სერბეთი, ფინეთი, პორტუგალია, სომხეთი, კვიპროსი, შვეიცარია, სლოვენია, ხორვატია, საფრანგეთი და ავსტრია.

9 მაისს, მეორე ნახევარფინალში მონაწილე ფინალისტ კონკურსანტებს შორის საქართველოს მონაწილე ნუცა ბუზალაძე სიმღერა Firefighter-ით ლიდერობს, მეორე ფავორიტად კი შვეიცარიის მონაწილე Nemo სიმღერით The Code ითვლება.

საქართველოს დებიუტი ევროვიზიაზე 2007 წლის შედგა. ბოლოს კი ფინალისტთა შორის ქვეყანა 2016 დასახელდა, რა დროსაც ნიკა კოჩაროვმა და ჯგუფმა Young Georgian Lolitaz სიმღერით Midnight Gold-ით მეოცე ადგილი დაიკავეს. წელს კი საქართველომ ბოლო შვიდი წლის მანძილზე პირველად მოიპოვა ევროვიზიის ფინალის საგზური.

1956 წელს, ევროვიზიის სიმღერის პირველ კონკურსში მხოლოდ შვიდმა ქვეყანამ მიიღო მონაწილეობა, სადაც მასპინძელმა ქვეყანამ, შვეიცარიამ, ლისი აიასის სიმღერა Refrain-ით გაიმარჯვა. შვეიცარიამ 1988 წელს სელინ დიონის სიმღერით Ne Partez Pas Sans Moi კვლავ მოიგო ევროვიზია.

აღსანიშნავია ასევე ისრაელის მონაწილე ედენ გოლანი სიმღერით Hurricane. მის გამოსვლას დარბაზში უარყოფითი შეძახილებიც მოჰყვა. მეორე ნახევარფინალის პარალელურად მალმეში პროტესტი მიმდინარეობდა, სადაც აქტივისტები  ღაზის კონფლიქტის გამო ისრაელის მონაწილის გამოსვლას უარყოფითად შეხვდნენ. 

შვედეთის ქალაქ მალმეში ევროვიზია 2024-ის ფინალი 11 მაისს 23:00 საათზე გაიმართება.

Share
Tweet
Share
Share
Share

წინა სტატია

ამერიკული Billboard 2024 წლის „ევროპაკონცერტის”, წინანდლის მამულისა და Silk Road Group-ის შესახებ ვრცელ სტატიას აქვეყნებს

შემდეგი სტატია

ჯასტინ ბიბერი და ჰეილი ბიბერი პირველ შვილს ელოდებიან

შეიძლება დაგაინტერესოთ

ფრიდა კალოს მუზეუმის მიერ გავრცელებულ განცხადებაში ნათქვამია, რომ ტანსაცმელი, რომელიც მადონას სოციალურ ქსელში ატვირთულ ფოტოებში აცვია, მუზეუმის კოლექციას არ მიეკუთვნება

მუზეუმი მადონას მიერ ატვირთულ პოსტს გამოეხმაურა.
მეტი

გერმანელი გამომცემელი და რეჟისორი ანა მიულერი სოხუმის თეატრში ლექციას გამართავს

ანა მიულერი მსოფლიოში სახელგანთქმული მწერლის, პოეტისა და დრამატურგის, ჰაინერ მიულერის ქალიშვილია.
მეტი

ამერიკაში მოღვაწე ქართველმა პიანისტმა ლიანა ფაილოძე-ჰარონმა ქართული ნაწარმოებების ალბომი გამოსცა

ალბომი სახელწოდებით „ქართლი: საქართველოს ისტორიები” ქართველი კომპოზიტორების 12 ნაწარმოებს აერთიანებს.
მეტი

ტომ ჰენკსმა თავის შვილს სთხოვა, დრეიკის და კენდრიკ ლამარის დაპირისპირების ისტორია აეხსნა

„ეს ნამდვილი სიტყვების ომია. და ადამიანები ამაში მხარეებს ირჩევენ? ვინ იმარჯვებს?,” - ვკითხულობთ ტომ ჰენკსის მიწერილ ტექსტში.
მეტი
ANIK - mixtape 91011

ANIK-ის სადებიუტო მიქსთეიფი  – 91011

პროექტში შესული სამივე სიმღერა Dog Days, Burden და „დღე და ღამე” საერთო კონცეფციის მატარებელია, სადაც ქართული მუსიკის ელემენტები თანამედროვე ჟღერადობასთან არის შერწყმული.
მეტი