ჯასტინ ბიბერმა და ჰეილი ბიბერმა მოულოდნელი სიახლე გააზიარეს: წყვილი პირველ შვილს ელოდება. მათ ეს ინფორმაცია ინსტაგრამზე გამოქვეყნებული პოსტის მეშვეობით 9 მაისს გაასაჯაროვეს. წყვილმა ფოტოები და ვიდეოები გამოაქვეყნა, რომელშიც თეთრ კაბაში გამოწყობილი ორსული ჰეილი პოზირებს. კადრში ასევე ჩანს ჯასტინ ბიბერი, რომელიც ჰეილი ბიბერს ფოტოს უღებს. კომენტარების სექციაში ბიბერებს უამრავი ადამიანი ულოცავს, მათ შორის ვხვდებით ისეთ ცნობილ სახეებს, როგირებიც არიან კენდალ ჯენერი, კრისი ტაიგენი და სხვები.
„[დედობა] არის ის, რასაც მოუთმენლად ველი,”- უთხრა ჰეილიმ GQ-ს ოქტომბერში ჩაწერილ ინტერვიუში. „ეს ასევე ძალიან პირადი, ინტიმური რამ არის. ეს არის ის, რაც თავისთავად ხდება, როცა ამის დრო არის,”- თქვა Rhode-ს დამფუძნებელმა და მოდელმა ჰეილი ბიბერმა. მან ასევე აღნიშნა, რომ ეს საკითხი სხვა ადამიანების განსასჯელი არ არის.
ჯასტინმა და ჰეილიმ 2018 წლის სექტემბერში ოფიციალურად იქორწინეს. ერთი წლის შემდეგ, მათ ტრადიციული საქორწილო ცერემონია სამხრეთ კაროლინაში გადაიხადეს.
