თეატრისა და კინოს მსახიობი ტრისტან სარალიძე 69 წლის ასაკში გარდაიცვალა.
სარალიძე 1980 წლიდან რუსთაველის თეატრის მსახიობი იყო. თეატრის სცენაზე ნათამაშები აქვს როლები ისეთ სპექტაკლებში, როგორებიცაა „კავკასიური ცარცის წრე”, „კაცია-ადამიანი?!”, „მეფე ლირი”, „მაკბეთი”, „მერე რა რომ სველია სველი იასამანი”, „კვაჭი კვაჭანტირაძე”, „შობის მეთორმეტე ღამე ანუ როგორც გენებოთ”, „საბრალდებო დასკვნა”, „თორმეტი განრისხებული მამაკაცი” და სხვები.
ასევე ასევე შესრულებული აქვს არაერთი კინოროლი. განსაკუთრებული პოპულარობა მსახიობს ფილმმა „სიყვარული ყველას უნდა” მოუტანა, სადაც ის გივილოს პერსონაჟს ასახიერებს.
