ემინემი ახალ სინგლს გამოსცემს

სინგლი სახელწოდებით Houdini რეპერმა ილუზიონისტ დევიდ ბლეინის დახმარებით დააანონსა
ემინემი 25 აპრილი, დეტროიდი, ფოტო: გრეგორი შამუსი
ემინემი 25 აპრილი, დეტროიდი, ფოტო: გრეგორი შამუსი

28 მაისს ემინემმა ინსტაგრამ ვიდეო ილუზიონისტ დევიდ ბლეინთან კოლაბორაციით გამოაქვეყნა, სადაც ახალი სინგლის, Houdini-ის გამოსვლის თარიღი დააანონსა. თიზერ ვიდეოს მიხედვით სინგლი 31 მაისს გამოვა.

ვიდეოში ემინემი FaceTime-ით დევიდ ბლეინს უკავშირდება და დახმარებას სთხოვს: „მისმინე, შენი დახმარება მჭირდება, პირველ რიგში მინდა იცოდე, რომ შენ ხარ ყველაზე დიადი, ვისაც მსგავსი რამის გაკეთება შეუძლია…” – ამბობს ემინემი

Houdini ემინემის მე-11 სტუდიური ალბომის, The Death of Slim Shady-ის მთავარი სინგლია. ეს ბოლო ოთხი წლის განმავლობაში ჰიპ-ჰოპ არტისტის პირველი პროექტია. 2020 წელს ემინემმა ალბომი სახელწოდებით Music to Be Murdered By გამოსცა, რომელიც ბილბორდ 200-ის სათავეში მოხვდა.

აღსანიშნავია, რომ სინგლი სახელწოდებით Houdini დუა ლიპამაც გამოუშვა, რომელიც მომღერალმა გასულ წელს, ნოემბერში გამოაქვეყნა.

მიუხედავად იმისა, რომ ალბომ The Death of Slim Shady-ის გამოცემის ზუსტი თარიღი არ არის ცნობილი, დანამდვილებით ვიცით, რომ ის 2024 წლის ზაფხულში გამოვა.

ნახეთ ემინემის და დევიდ ბლეინის ვიდეო: 

Share
Tweet
Share
Share
Share

წინა სტატია

AURORA – მსოფლიო მუსიკალური სცენის ნორვეგელი ვარსკვლავი Tbilisi Open Air-ზე

შემდეგი სტატია

ჯონ ბონ ჯოვი 2024 წლის 17 აპრილს ლონდონში. ფოტო: ტიმ უაითი

ჯონ ბონ ჯოვის თქმით, მისი შვილი ჯეიკი მილი ბობი ბრაუნთან ქორწინებით ბედნიერია

შეიძლება დაგაინტერესოთ

„მგზავრების” გზავნილი საქართველოს ნაკრებს ევროპის ჩემპიონატის სადებიუტო მატჩამდე: ნახეთ ახალი სიმღერის ვიდეოკლიპი

„ისტორიული მატჩის წინ წარმატებებს ვუსურვებთ საქართველოს! გამარჯვება საქართველოს!”
მეტი