Breathe Deeper – ასე ჰქვია LOUDspeakers-ის სიმღერას, რომელიც ჯგუფმა მსმენელს სულ ახლახან წარუდგინა. კომპოზიციის სახელწოდება პირდაპირ ეხმიანება სიმღერის მთავარ იდეას – მსოფლიოში არსებულ ეკოლოგიურ პრობლემებს.
ლევან ლაუდაძე – LOUDspeakers-ის სოლისტი:
„ეს სიმღერა იმ მძიმე ეკოლოგიურ მდგომარეობაზეა, რომელიც დღეს როგორც ჩვენი ქვეყნის, ისე მთელი მსოფლიოს ერთ-ერთი დიდი პრობლემაა. პანდემიის დროს კარგად გამოჩნდა, რამდენად ცუდი გავლენა აქვს ადამიანს გარემოზე. როგორც კი სახლში გამოკეტვა მოგვიწია, მაშინვე გაიწმინდა ჰაერი და დელფინებიც კი გამოჩნდნენ სანაპიროებთან. სხვათა შორის, ეს ფაქტი სიმღერის მისამღერშიცაა.
არ ვიცით, როდემდე გვექნება სუფთა ჰაერი, ამიტომ სანამ გვაქვს, ღრმად უნდა ვისუნთქოთ ის. ამასთან ერთად კი უნდა ვიზრუნოთ, რომ ეს პრობლემა ეტაპობრივად შემცირდეს და დედამიწა ეკოლოგიურ კატასტროფას გადაურჩეს.”
ჯგუფი ამჟამად კიდევ რამდენიმე ახალ სიმღერაზე მუშაობს, რომელთა გამოცემასაც შემოდგომაზე EP-ის სახით გეგმავს.
მოუსმინეთ სიმღერას Breathe Deeper:
