„სათამაშო“ – ექსპერიმენტული ჰიპ-ჰოპ ბენდი თელავიდან

ცოტა ხნის წინ მუსიკალურმა კოლექტივმა სინგლი „ჩემი რა მიდის“ გამოაქვეყნა.
სათამაშო
სათამაშო – ექსპერიმენტული ჰიპ-ჰოპ ბენდი

ჰიპ-ჰოპ არტისტების მიერ შექმნილი მუსიკალური პროექტი  „სათამაშო“ თელავში 2021 წლიდან იღებს სათავეს. ბენდის შემადგენლობაში მიშა ჩიტაშვილი (ბასი), გიო ბეჟანიშვილი (ვოკალი) და დავით გოგოლაძე (კომპოზიტორი, გიტარა) არიან.

ცოტა ხნის წინ მუსიკალურმა კოლექტივმა სინგლი „ჩემი რა მიდის“ არტისტ Heiwa-სთან კოლაბორაციით გამოაქვეყნა.

გიო ბეჟანიშვილი –  ექსპერიმენტულ პროექტ „სათამაშოს“ ვოკალისტი:

„სათამაშო“ მუსიკალური პროექტია. ბენდში სამი ადამიანი ვართ გაწევრიანებული – გიო, მიშა და დავითი. მესამე წელია უკვე, რაც სხვადასხვა სიმღერაზე ვმუშაობთ. ცოტა ხნის წინ გადავწყვიტეთ, რომ ერთ-ერთი ჩვენი სიმღერა გამოგვეტანა და Youtube-ზეც ახლახანს გამოვჩნდით. ზოგადად, ჯგუფის ჩამოყალიბების ამბავი თელავში სამაგიდო თამაშების სივრცესთან არის დაკავშირებული, სადაც  ხშირად ვიკრიბებოდით თელავის Board Game-ების კლუბში.  სწორედ აქედან დაიწყო ჩვენი მეგობრობაც. დავითი 2020 წელს თბილისიდან თელავში გადმოვიდა, ჩვენი აზრები მუსიკასთან დაკავშირებით დაემთხვა და ასე მივიღეთ ექსპერიმენტული თელავური ბენდი „სათამაშო“. Სათამაშო ქართულად ცეკვასაც ნიშნავს და ამით გვსურდა, ქართულ მუსიკაში დადებითი განწყობა შემოგვეტანა.” 

სიმღერა „ჩემი რა მიდის” ბენდის პირველი სინგლია, რომელიც არტისტ  Heiwa-სთან (ოთარ მურველაშვილი) კოლაბორაციით შეიქმნა და მუსიკალურ პლატფორმაზე ცოტა ხნის წინ გამოჩნდა. 

„რაც შეეხება სიმღერის იდეას, ის საკმაოდ დიდი ხანია უკვე, რაც არსებობს. თითქმის მესამე წელია, რაც მისამღერი დაიწერა. სამაგიდო თამაშების კლუბში ერთ-ერთ საღამოს სწრაფი მუსიკის ტალღით ეს მუსიკალური ჟღერადობა ავაწყვე.  მანამდეც მქონდა ეს სიტყვები აკვიატებული – „ჩემი რა მიდის – შენი რა მიდის“ – და შესაფერის ტემპორიტმს ვეძებდი. გავუზიარე ბიჭებსაც, მოეწონათ და იმ დროიდან ნელ-ნელა დავიწეთ ამაზე მუშაობა. უდარდელი ხასიათის საცეკვაო მუსიკაა და იმედია, მსმენელსაც მოეწონება. მუსიკის ავტორი კი დავითია.

მუსიკალური კლიპი მერაბ ემინაშვილმა – Emina production -მა გადაიღო. კლიპის გადაღებაში ჩვენი სამეგობრო წრიდანაც  ბევრი ადამიანი იყო ჩართული. მუსიკალური ვიდეოს დიდი ნაწილი ლევან კალმახელიძის სტუდიაშია გადაღებული. მინდა, მადლობა გადავუხადო ყველა იმ ადამიანს, ვინც ვიდეოს გადაღებისთვის სივრცე დაგვითმო და პროცესში მონაწილეობა მიიღო. 

ამჟამად ალბომის ტრეკებზე ვმუშაობთ, ხუთი ტრეკი გვაქვს. ნაწილი დამუშავების პროცესშია, ნაწილი უკვე მზად არის. თუმცა მისი გამოშვების თარიღი ჯერ ზუსტად არ ვიცით. უახლოეს მომავალში გვინდა, კიდევ ერთ სიმღერაზე, რომელსაც  „გზა” ჰქვია, კლიპი გამოვუშვათ. სექტემბრის ბოლოს კი ლაივ სესიას ვგეგმავთ თბილისში, სადაც თელაველი ჰიპ-ჰოპ არტისტები გაერთიანდებიან და საერთო ჰიპ-ჰოპ ქომუნითი მსმენელს თავის სათქმელს გააცნობს.”

მოისმინეთ – სათამაშო Ft. Heiwa –  სიმღერა – „ჩემი რა მიდის“

Share
Tweet
Share
Share
Share

Leave a Reply

წინა სტატია

ლიზო ერთწლიან შემოქმედებით პაუზას იღებს

შემდეგი სტატია

SKAZZ

„ეს სიზმარია” – SKAZZ-მა ახალი კლიპი გამოაქვეყნა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი