Coldplay-მ ვენის ოთხდღიანი საკონცერტო სერია დაასრულა. ოთხივე კონცერტზე კი ჯგუფმა, ტეილორ სვიფტის პატივსაცემად, რომელსაც, ტერორისტული საფრთხის გამო, ვენაში დაგეგმილი შოუების გაუქმება მოუწია, მისი სიმღერა The 1 შეასრულა. ბოლო კონცერტზეც, ტრადიციულად, სვიფტის კომპოზიცია, მისი 2020 წლის ალბომიდან Folklore, კრის მარტინმა და გამხსნელი აქტის შემსრულებელმა მეგი როჯერსმა ერთობლივად იმღერეს.
როგორც ყოველთვის, სვიფტის სიმღერის შესრულებისას კრის მარტინმა სცენაზე ორი ფანი ამოიყვანა, რომელთაგანაც ერთ-ერთს ხელში ეჭირა პლაკატი წარწერით: „ძვირფასო კრის, სვიფტის ფანებს ემახსოვრები. მადლობა!”
სვიფტის ფანებისგან მადლობა Coldplay-მ მას შემდეგ დაიმსახურა, რაც ჯგუფმა ვენის კონცერტების სერია ტეილორის Love Story-ით გახსნა, შემდეგ კი Shake It Off ორჯერ შეასრულა.
თავად სვიფტმა კი ერას ტურის ევროპული ნაწილი ინგლისის კონცერტებით დაასრულა. მანამდე მომღერალს ვენაში გასამართი სამი შოუს გაუქმება მოუწია, კონცერტებზე დაგეგმილი ტერორისტული თავდასხმების გამო.
ნახეთ კრის მარტინისა და მეგი როჯერსის მიერ შესრულებული The 1:
Songbook: ‘the 1’ by @taylorswift13 (@Coldplay‘s Version) ft @maggierogers#ColdplayVienna pic.twitter.com/7wXJbMfRDJ
— Neil (@neilenore) August 25, 2024
