ABBA-მ  დონალდ ტრამპს კამპანიიდან სიმღერის Winner Takes All ამოღება მოსთხოვა

ABBA Baillie Walsh
ABBA
Baillie Walsh

შვედურმა ჯგუფმა ABBA-მ დონალდ ტრამპს თხოვნით მიმართა, წინასაარჩევნო გამოსვლებზე მათი მუსიკის გამოყენება შეწყვიტოს. აშშ-ის რესპუბლიკური პარტიის საპრეზიდენტო კანდიდატის წარმომადგენლობა  კი ამტკიცებს, რომ მათ ამ მუსიკის გამოყენების სრული უფლება აქვთ.

Associated Press-ის ინფორმაციის მიხედვით, ABBA-მ ცოტა ხნის წინ ინტერნეტში გავრცელებული ვიდეო მასალით აღმოაჩინა, რომ ტრამპის გამოსვლების დროს მათი მუსიკა და ვიდეოკლიპები არასათანადოდ არის გამოყენებული.

„ABBA-მ და მათმა წარმომადგენლობამ დაუყოვნებლივ მოითხოვეს ამ ვიდეოების ფლეილისთიდან ამოღება, გამომდინარე იქიდან, რომ მათ არანაირი ნებართვა და ლიცენზია ამ მუსიკის გამოყენებისთვის არ გაუციათ.”

ტრამპის კამპანიის წარმომადგენელმა კი განაცხადა, რომ მათ მუსიკის გამოყენების ლიცენზია აქვთ: „კამპანიას ჰქონდა ABBA-ს მუსიკის გამოყენების ლიცენზია, რომელიც BMI-სთან და ASCAP-თან ჩვენი შეთანხმებით მოიპოვა.”

ABBA იმ არტისტთა გრძელ სიას  უერთდება, რომელიც დონალდ ტრამპს მათი სიმღერების გამოყენების უფლებას არ აძლევს. 2020 წლის არჩევნების დროს ამ სიაში იყვნენ: ბრიუს სპრინგტინი, რიანა, ფილ კოლინზი, ფარელი, ჯონ ფოგერტი, ნილ იანგი, ედი გრანტი, Panic! at the Disco,  R.E.M. და Guns N’ Roses.

სელინ დიონმა რესპუბლიკელების კანდიდატს საპრეზიდენტო კამპანიიდან სიმღერა My Heart Will Go On-ის ამოღება მოსთხოვა, ბიონსემ კი სიმღერა Freedom-ის გამოყენების გამო ტრამპის ვიდეო დაბლოკა. 2016 წელს პოლიტიკურ მიტინგებზე ტრამპს მისი სიმღერების ამოღება ადელმაც მოსთხოვა.

აღსანიშნავია, რომ თუ პოლიტიკურ ორგანიზაციას საშემსრულებლო, საავტორო უფლებების მქონე ორგანიზაციებისგან (ASCAP და BMI) სიმღერის გამოყენებაზე სრული ნებართვა აქვთ მიღებული, ამ შემთხვევაში კამპანიებს არ სჭირდებათ არტისტებისგან დამატებითი ნებართვის მიღება. 

შვედურმა გამომცემლობამ Svenska Dagbladet-მა თქვა, რომ მისი რეპორტიორი ივლისში, მინესოტაში ტრამპის გამოსვლას ესწრებოდა, სადაც სიმღერა The Winner Takes it All გაჟღერდა. Universal Music-ის თქმით, ეს იყო ერთადერთი ღონისძიება, სადაც ABBA-ს მუსიკა გამოიყენეს.

ბილბორდ 100-ში ABBA-ს ოცი სიმღერაა შესული. 2021 წელს ბენდმა ალბომი Voyage გამოსცა.

Share
Tweet
Share
Share
Share

Leave a Reply

წინა სტატია

A$AP Rocky უკრაინაში გადაღებულ ვიდეოკლიპს აქვეყნებს სიმღერაზე Tailor Swif

შემდეგი სტატია

ნახეთ ნოელ გალაგერის პასუხი კითხვაზე, თუ რატომ დაიშალა „ოაზისი”

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი