ჯგუფ The Cure-ის კლავიშისტმა როჯერ ო’დონელმა გაამხილა, რომ 2023 წლის სექტემბერში იშვიათი და აგრესიული ლიმფომის დიაგნოზი დაუსვეს. მუსიკოსმა თავისი გამოცდილება გამომწერებს სოციალურ ქსელში სისხლის კიბოს ცნობადობის თვის ფარგლებში გაუზიარა და მათ ადრეული დიაგნოსტირებისკენ მოუწოდა.
„გასული წლის სექტემბერში ძალიან იშვიათი და აგრესიული ფორმის ლიმფომის დიაგნოზი დამისვეს. თვეების განმავლობაში სიმპტომებს ყურადღებას არ ვაქცევდი, მაგრამ საბოლოოდ ექიმთან მივედი. ოპერაციის შემდეგ კი ბიოფსიის პასუხი გამანადგურებელი იყო,” – წერს ო’დონელი.
თითქმის ერთწლიანი მკურნალობის შემდეგ, რაც მოიცავდა ქირურგიულ ჩარევას, იმუნოთერაპიასა და რადიოთერაპიას, მუსიკოსის ჯანმრთელობის მდგომარეობა გაუმჯობესდა. „ახლა კარგად ვარ და პროგნოზი შესანიშნავია. ცელიანი მკვლელი მიკაკუნებდა კარზე, მაგრამ პასუხი არ გავეცით.”
ო’დონელი პოსტში ადრეული დიაგნოსტირების აუცილებლობაზეც საუბრობს: „სიმსივნის დამარცხება შესაძლებელია, მაგრამ თუ მას ადრეულ სტადიაზე აღმოაჩენ, შანსები ბევრად დიდია. ასე რომ, ერთადერთი, რისი თქმაც მინდა, არის: წადით და შეემოწმეთ. მცირედი ეჭვიც თუ გაქვთ სიმპტომებზე, მიდით და შეამოწმეთ.”
„და ბოლოს, თუ ვინმეს იცნობთ, ვინც ავადაა, ესაუბრეთ მათ. ამ დროს თითოეული სიტყვა გეხმარება, მერწმუნეთ, ვიცი,” – წერს ო’დონელი.
ჯგუფმა The Cure სწორედ გასულ სექტემბერს დაასრულა მსოფლიო ტურნე Shows of a Lost World Tour. ბენდის გავლენა ალტერნატიულ როკზე უსაზღვროდ დიდია. 2019 წელს The Cure როკ-ენ-როლის დიდების დარბაზში შევიდა.
September is Blood Cancer Awareness Month so it’s a good opportunity to have a dialogue about these diseases. In September last year I was diagnosed with a very rare and aggressive form of lymphoma. I had ignored the symptoms for a few months but finally went… pic.twitter.com/8Xftcd5nPL
— Roger O'Donnell (@RogerODonnellX) September 1, 2024
