წინანდლის კლასიკური მუსიკის ფესტივალი გრძელდება. ღონისძიება წელსაც, ტრადიციისამებრ, მსოფლიო პრესის ყურადღების ცენტრშია. წელს ფესტივალიდან ოთხი კონცერტი Medici.tv-ის პირდაპირ ეთერში გადაიცემა. ამ თანამშრომლობის ფარგლებში კლასიკური მუსიკის გავლენიანმა პლატფორმამ სოციალური ქსელების ოფიციალურ არხებზე წინანდლის ფესტივალის ერთ-ერთი გამორჩეული მუსიკალური საღამოს ფრაგმენტი გაუზიარა. ფრაგმენტი 3 სექტემბრის კონცერტიდან არის, როცა Chamber Music Hall-ში ბრიტანელმა ვიოლონჩელისტმა სტივენ ისერლისმა და კომპოზიტორმა და პიანისტმა მიხაილ პლეტნევმა რახმანინოვის ნაწარმოებები შეასრულეს.
Medici.tv გამოქვეყნებულ პოსტში კლასიკური მუსიკის მოყვარულებს აუწყებს, რომ წინანდლის ფესტივალი მე-6 სეზონით დაბრუნდა.
წინანდლის კლასიკური მუსიკის ფესტივალი 31 აგვისტოს გაიხსნა და 8 სექტემბერს დაიხურება.
ღონისძიების პროგრამას დეტალურად გაეცანით ბმულზე.
