ამერიკელმა მომღერალმა და სიმღერების ავტორმა Halsey-მ 6 სექტემბერს ახალი სინგლი გამოსცა, რომლის სახელწოდებაა Ego. სინგლი მომავალი კონცეფციური ალბომის, The Great Impersonator-ის მეოთხე კომპოზიციაა, რომელსაც 90-იანი წლების ელფერი დაკრავს. სიმღერა არტისტმა პირველად 14 აგვისტოს, ლონდონში გამოსვლისას გააჟღერა.
სანამ აუდიტორია ცოცხლად მოისმენდა სიმღერას, Halsey-მ ხალხს მიმართა: „ორი დღეა, რაც ახალი სიმღერის თიზერი გამოვაქვეყნეთ, თქვენ კი იქნებით პირველნი, ვინც ამ სიმღერას მოისმენს.”
Halsey-ს ახალი სინგლი Ego მომავალ ალბომ The Great Impersonator-ში შევა, რომელიც 25 ოქტომბერს გამოვა.
„ეს ჩანაწერი სიცოცხლესა და სიკვდილს შორის არსებულ სივრცეს ქმნის, ისეთი შეგრძნება მაქვს, თითქოს მთელი ცხოვრებაა მის მიღებას ველი.” – თქვა მუსიკოსმა ალბომის შესახებ.
The Great Impersonator Halsey-ის მეხუთე სტუდიური ალბომია, მანამდე კი არტისტს 2021 წელს ალბომი If I Can’t Have Love, I Want Power აქვს გამოცემული, რომელმაც ბილბორდ 200-ში მეორე ადგილი დაიკავა.
მოისმინეთ Halsey-ს ახალი სინგლი Ego:
