როგორც ჩანს, ხანგრძლივი ლოდინი დასასრულს უახლოვდება. The Cure-მა შესაძლოა 16 წლის შემდეგ პირველი LP-ის გამოცემის თარიღი დაადასტუროს.
კვირის დასაწყისში ბენდმა სოციალურ მედიაში პროფილის ფოტო განაახლა, რამაც გულშემატკივართა შორის აჟიოტაჟი გამოიწვია.
ჯგუფის თაყვანისმცემლებმა ფოსტით დაშიფრული ღია ბარათები მიიღეს, რომელიც ალბომის სახელს და გამოცემის თარიღს აანონსებს. ღია ბარათში რომაული ციფრებით მოცემული წარწერა 2024 წლის 1 ნოემბერს აღნიშნავს, დაშიფრული ტექსტის მიხედვით კი ალბომის სახელწოდება შესაძლოა Songs of a Lost World იყოს.
@CraigatCoF pic.twitter.com/P2Io9BTQeg
— Simon Aston 〓〓 (@SimonAston12) September 12, 2024
Anyone else receive a postcard in the mail today confirming the release date for the long awaited album from @thecure #SongsofaLostWorld pic.twitter.com/yKytBNBmEp
— Andrew (@theboytemps) September 12, 2024
1/11/2024 pic.twitter.com/hUFQYU9bdr
— Andrew (@theboytemps) September 12, 2024
ინგლისურ როკ-ჯგუფ The Cure-ს ბოლო ალბომი სახელწოდებით 4:13 Dream 2008 წელს გამოვიდა. ალბომმა ბილბორდ 200-ში მე-16 ადგილი დაიკავა. გასულ თვეს ჯგუფმა სპეციალური ორმაგი ვინილი გამოუშვა, სადაც სიმღერების And Nothing Is Forever და I Can Never Say Goodbye ახლებური ვერსიებიც არის ჩაწერილი. სიმღერები 2022 წლის Shows of a Lost World ტურნეს დროს ჩაიწერა და ლეიბლ Naked Vinyl-ის მეშვეობით გამოიცა. აღსანიშნავია, რომ ლეიბლი ეკოლოგიურად სუფთა ჩანაწერებზეა ორიენტირებული, რომელიც გაყიდული ნამუშევრებიდან მიღებულ თანხით კლიმატის საქველმოქმედო ორგანიზაცია Earth Percent-ს ეხმარება. ეს ორგანიზაცია კი ცნობილი მუსიკოსის, ბრაიან ინოს მიერ 2021 წელს დაარსდა.
The Cure-ს ვოკალისტი რობერტ სმიტი წლების განმავლობაში საუბრობდა ინტერვიუებში ახალი ალბომის შესახებ. 2019 წელს Los Angeles Times-თან ინტერვიუში მან თქვა, რომ მომავალი ალბომისთვის სიმღერების დამუშავებას აგრძელებს.
„ბოლო დროს დედა, მამა და ძმა დავკარგე, რამაც ჩემზე ძალიან იმოქმედა. ეს ყველაფერი ძალიან სამწუხარო და მძიმე გადასატანია. ალბომს უამრავი ატმოსფერული ბგერა აქვს, რომელიც დაშლისკენ არის მიმართული. მინდოდა, ამ მუსიკით ბგერების ფართო დიაპაზონი შემექმნა.” – ამბობდა ინტერვიუში რობერტ სმიტი.
2023 წელს The Cure-ის ბენდის წევრმა როჯერ ო’დონელმა განაცხადა, რომ მას ლიმფომის ძალიან იშვიათი და აგრესიული ფორმის დიაგნოზი დაუსვეს. თითქმის ერთწლიანი მკურნალობის შემდეგ, მუსიკოსის ჯანმრთელობის მდგომარეობა გაუმჯობესდა.
