მუსიკალური ივენთების პლატფორმა Sparks ახალ კონცერტს აანონსებს. 4 დეკემბერს ფილარმონიის დიდ საკონცერტო დარბაზში 2000-იანი წლების პოპულარული ბრიტანული პოპ ჯგუფი Blue წარდგება.
Blue-ს დისკოგრაფია არაერთ ჰიტს მოიცავს. მათ შორის არის ელტონ ჯონთან ერთად შესრულებული Sorry Seems to Be the Hardest Word, One Love და All Rise.
Blue 2000 წელს ლონდონში ჩამოყალიბდა. ჯგუფის წევრები არიან საიმონ ვები, ლი რაიანი, დანკან ჯეიმსი და ენტონი კოსტა. Blue-მ მალევე მოიპოვა პოპულარობა პოპისა და R&B-ს ჟანრებში. ბოიბენდმა 2001 წელს სადებიუტო ალბომი All Rise გამოსცა. მათი მეორე ალბომი, One Love, რომელიც 2002 წელს გამოვიდა, ასევე წარმატებული აღმოჩნდა და ჯგუფმა მსოფლიო მასშტაბით მილიონობით ჩანაწერი გაყიდა.
2005 წელს ჯგუფმა დროებითი შემოქმედებითი პაუზა აიღო, რათა წევრებს სოლო კარიერებზე ემუშავათ, თუმცა 2011 წელს კვლავ გაერთიანდნენ და Eurovision-ის კონკურსზე ბრიტანეთი წარადგინეს სიმღერით I Can. შემდგომი წლების განმავლობაში Blue-მ კიდევ რამდენიმე ალბომი გამოუშვა და ტურნეებიც გამართა.
კონცერტის შესახებ დეტალებს გაეცანით ბმულზე.
