არიანა გრანდემ განაცხადა, რომ ფილმ Wicked-ში მისი გმირი Glinda, შესაძლოა, საკუთარ გრძნობებს მალავდეს. ახლახან მიცემულ ინტერვიუში მსახიობმა და მომღრალმა Glinda-სა და Gelphie-ს ურთიერთობა განიხილა, რომელიც, მისი აზრით, უბრალო მეგობრობაზე მაღლა დგას.
Gay Times-თან ახალ ინტერვიუში არიანა გრანდემ გამოთქვა აზრი, რომ შესაძლოა ფილმ Wicked-ის ერთგულ გულშემატკივართა ჯგუფში გამოთქმული აზრი სიმართლის მარცვალსაც შეიცავდეს, რაც მთავარი პერსონაჟების Gelphie-სა და Glinda-ს პირად ურთიერთობას ეხება.
„ეს შეიძლება რომანტიკული ან თუნდაც პლატონური სიყვარულია, შესაძლოა Glinda საკუთარ გრძნობებს მალავს, მაგრამ, დრო რომ ყოფილიყო, ვინ იცის? იცით, მგონი ეს უბრალოდ ნამდვილი სიყვარულია, რომელიც ყოველგვარ სექსუალურ სურვილებს სცდება. ეს უბრალოდ ერთმანეთში უსაფრთხოების ძიების პროცესია და სწორედ ამიტომ ისინი ერთმანეთს განსაკთრებულად უჭერენ მხარს.” – ამბობს არიანა გრანდე.
მსახიობი სინთია ერივო, რომელიც თავს ქვიარ ადამიანად თვლის და Gelphie-ს ასახიერებს, არიანა გრანდეს მოსაზრებას ეთანხმება და აღნიშნავს, რომ მისი პერსონაჟი გარკვეულ გრძნობებს Glinda-ს მისამართით გამოხატავს. „ვფიქრობ, ჩემი პერსონაჟი იქ მიდის, საითკენაც ქარი უბერავს, ის Glinda-ს უყვარს. ვფიქრობ, ცუდი არ იქნება, მათ ღრმა კავშირს ხაზი გავუსვათ. ეს ურთიერთობაა, ეს ნამდვილი სიყვარულია,” – აღნიშნა სინთია ერივომ.
კრისტინ ჩენოუეთი, რომელიც ბროდვეიზე Glinda-ს როლს 2003 წელს ასრულებდა, ინსტაგრამის პოსტზე არიანა გრანდეს კომენტარს გამოეხმაურა და აღნიშნა: „იმ დროინდავე მეც სწორედ ასე ვფიქრობდი.”
ფილმის კინოთეატრში გამოსვლის შემდეგ მთავარი როლის შემსრულებლებმა არიანა გრანდემ და სინთია ერივომ სოციალურ მედიაში ფილმის გადასაღებ მოედანზე შეძენილი გამოცდილებები გაიხსენეს. ინსტაგრამ პოსტში სინთია ერივომ მადლობა გადაუხადა შემოქმედებით გუნდს და განსაკუთრებულად აღნიშნა არიანა გრანდე. „მიყვარხარ, შენ ხარ ყველაზე ჭეშმარიტი და კეთილი ადამიანი. ჩემთვის პატივი იყო შენთან ერთად ამ ცხოვრებისეული გამოცდილების გაზიარება.”
არიანა გრანდემ კი გულშემატკივრებს მოთმინებისთვის მადლობა გადაუხადა: „ვიცი, საკმაოდ რთული იყო თქვენთვის, მინდა მადლობა გადაგიხადოთ ძლიერი მხარდაჭერისთვის და მოთმინებისთვის. მიყვარხართ. მე თქვენთან ერთად ვვითარდები.“ – აღნიშნა არიანა გრანდემ.
ნახეთ არიანა გრანდეს და სინთია ერივოს ვიდეო:
@gaytimes What do @arianagrande and @Cynthia Erivo think of the #Gelphie ship? 🩷💚 @Wicked Movie #wicked #arianagrande #cynthiaerivo #glinda #elphaba #wickedmovie #wizardofoz #sapphic ♬ original sound – GAY TIMES
