Billboard
16 დეკემბერი, 2024
ამ დრომდე საპროტესტო აქციების თაობაზე განცხადებები მუსიკალური ინდუსტრიის არაერთმა წარმომადგენელმა გააკეთა.
ქართველი არტისტი Melqo ქვეყანაში მიმდინარე პროტესტს ახალი მუსიკალური ნამუშევრით ეხმაურება. „გამოიხედე” – ასე ჰქვია ტრეკს, რომელიც მუსიკოსმა 15 დეკემბერს წარადგინა.
ამ დრომდე პროტესტს განცხადებებით მუსიკალური ინდუსტრიის არაერთი წარმომადგენელი გამოეხმაურა.
6 დეკემბერს ქართველმა მუსიკოსებმა ერთობლივი მანიფესტიც გაავრცელეს. განცხადებას 90-ზე მეტი მუსიკოსი შეუერთდა. „ჩვენ, მუსიკოსები, პროტესტს ვუცხადებთ არალეგიტიმურ ხელისუფლებას და უარს ვამბობთ ნებისმიერ სახელმწიფო ღონისძიებაში მონაწილეობაზე,” – წერია განცხადებაში.
არტისტებმა საპროტესტო პროცესს მუსიკალური ნამუშევრებიც მიუძღვნეს. Tamada-მ გამოაქვეყნა ტრეკი სახელწოდებით „ბრძოლას მე ვერ გადამაჩვევ”, ხოლო Sophie Villy-მ გაავრცელა სიმღერა სახელწოდებით „მჯერა”.
