ბარაკ ობამამ სოციალურ ქსელში წლის საყვარელი სიმღერების, ფილმებისა და წიგნების სიები გააზიარა.
„წარმოგიდგენთ ჩემს წლევანდელ საყვარელ სიმღერებს! ნახეთ, თუ გსურთ თქვენს პლეილისტს რამე შემატოთ და ასევე შემატყობინეთ, თუ არის ისეთი სიმღერა ან არტისტი, რომელსაც აუცილებლად უნდა მოვუსმინო,” – წერს აშშ-ის ყოფილი პრეზიდენტი და 25 სიმღერისგან შემდგარ სიას აქვეყნებს.
კენდრიკ ლამარის Squabble Up არის პირველი სიმღერა ობამას სიაში, რომელშიც ასევე შედის ბილი აილიშის Lunch, ასაკას და ტრევის სკოტის Active, ჰოზიერის Too Sweet, ლეონ ბრიჯისის Peaceful Place, ჯეკ უაიტის That’s How I’m Feeling, კეროლ ჯის Si Antes Te Hubiera Conocido და სხვა.
ყოფილი პრეზიდენტის სიაში შემავალი ზოგიერთი სიმღერა Billboard Hot 100-ის წლის დასასრულის ჩარტის ტოპ ათეულშიც მოხვდა: Shaboozey-ს A Bar Song (Tipsy) (მე-2 ადგილზე), ტომი რიჩმენის Million Dollar Baby (მე-8 ადგილზე) და ჰოზიერის Too Sweet (მე-10 ადგილზე).
ობამამ ასევე დაასახელა 2024 წლის საყვარელი 10 ფილმი. ესენია: All We Imagine as Light, Conclave, The Piano Lesson, The Promised Land, The Seed of the Sacred Fig, Dune: Part Two, Anora, Dìdi, Sugarcane და A Complete Unknown.
10 წიგნს მოიცავს მისი წიგნების რეიტინგიც. მათ შორისაა ჯონათან ჰაიტის The Anxious Generation, სალი რუნის Intermezzo, ალექსეი ნავალნის Patriot, სამანთა ჰარვის Orbital და სხვა.
ნახეთ ბარაკ ობამას 2024 წლის საყვარელი სიმღერების, ფილმებისა და წიგნების სიები:
