Tyler, The Creator-ს წელს უკვე საკმაო რაოდენობის კონფლიქტი ჰქონდა. ცოტა ხნის წინ რეპერმა სოციალური ქსელით ფანებს „უცნაური” კითხვების დასმისთვის უსაყვედურა, როცა კი მას შემთხვევით სადმე შენიშნავენ. ახლა კი მუსიკოსმა მიზანში უცნობი მაღაზიის მფლობელი ამოიღო, რომელმაც უსაფრთხოების კამერის მიერ გადაღებული მასალა მისი ნებართვის გარეშე გამოაქვეყნა. ტაილერმა მას ინსტაგრამზე ვრცელი პოსტი მიუძღვნა.
„მაღაზიაში შევედი მეგობართან ერთად, მათ კი რომელიღაც დამალული კამერის მასალა გამოაქვეყნეს რაღაც უცნაური მიზეზით. ლაიქები, პოპულარობა, მტკიცებულება, რომ ჩვენ იქ ვიყავით? მიზეზი არ მაინტერესებს, მაგრამ ის ვიცი, რომ მათ აქამდე არასდროს მიუღიათ სახეში სილა, რადგან ადამიანი, რომელმაც იცის საზღვრები, ამას არასდროს გააკეთებს. ხალხმა არც იცის, რომ უთვალთვალებთ, თქვენ კი ამას უქვეყნებთ? მძულხართ.”
ერთ-ერთ ბოლო ნამუშევარში Noid ტაილერი სწორედ ამ თემას ეხება – ცნობადობას ციფრულ ერაში. „კამერები არა, გთხოვთ, სიმშვიდეში ჭამა მინდა, არ მსურს თქვენთან ფოტოების გადაღება,” – რეპავს მუსიკოსი სიმღერის პირველ ნაწილში.
