A$AP Rocky ფესტივალ Rolling Loud California 2025-ის სცენაზე ვერტმფრენით გამოჩნდა

რეპერმა პერფორმანსის დროს ოფიციალურად გამოუცემელი ტრეკიც შეასრულა.

36 წლის რეპერმა A$AP Rocky-მ ტრევის სკოტის მაგალითი აიღო და მუსიკალურ ფესტივალზე შთამბეჭდავად წარდგა მსმენელის წინაშე.  15 მარტს ის მუსიკალური ფესტივალის სცენაზე პირდაპირ  ვერტმფრენიდან დაეშვა, რომელიც ჰოლივუდ პარკში შეკრებილი უზარმაზარი აუდიტორიის თავზე მოფრინავდა.  

შავი ვერტმფრენის კაბინაში მჯდომმა როკიმ შეასრულა ჯერ ოფიციალურად გამოუცემელი ტრეკი, სავარაუდო სახელით – All Black (Stole Ya Flow). ეს სიმღერა მან პირველად 2023 წელს, Rolling Loud Miami-ზე წარადგინა.  

სცენაზე დაშვების შემდეგ, ჰიპ-ჰოპ ვარსკვლავმა პერფორმანსი დაიწყო. არტისტმა შეასრულა ჰიტები: A$AP Forever, RIOT (Rowdy Pipe’n) და Tailor Swif. ამასთან, მან კიდევ ერთი ახალი, აქამდე გამოუცემელი სიმღერა – Your Honor წარადგინა. სცენაზე როკიმ Skepta-ც მოიწვია, რათა 2018 წლის ტრეკი Praise the Lord (Da Shine) ერთობლივად შეესრულებინათ. არტისტმა შოუ დახურა სინგლით – Lord Pretty Flacko Jodye 2.  

A$AP Rocky-ს გამოსვლას რიანა მაყურებლების რიგებიდან გულშემატკივრობდა. ეს იყო A$AP-ის პირველი ცოცხალი შესრულება მას შემდეგ, რაც რეპერი ლოს-ანჯელესის სასამართლომ ორ ბრალდებაში საბოლოოდ გაამართლა.  ფანების მიერ გადაღებულ ვიდეოში მისი სასამართლო პროცესის ამსახველი მოკლე ფრაგმენტიც მოხვდა.  

Rolling Loud California-ს სცენაზე ასევე გამოვიდნენ YG, Sexyy Red, Peso Pluma და BossMan Dlow. ფესტივალი 16 მარტსაც გაგრძელდა. ამ საფესტივალო დღეს მსმენელმა სცენაზე  Playboi Carti, Ken Carson, Destroy Lonely, Quavo და სხვა არტისტები იხილა.  

თებერვალში A$AP-მა ჟურნალ GQ-სთან საუბრისას დაანონსებული ალბომის, Don’t Be Dumb-ის შესახებ განახლებული ინფორმაცია გააზიარა. თუმცა ალბომის ოფიციალური გამოშვების თარიღი ჯერ კიდევ არ გამოცხადებულა. „ახლა მიქსინგისა და მასტერინგის ეტაპზე ვარ,“ – უთხრა როკიმ გამოცემას. „მაგრამ მგონია, ხალხს ამ ალბომის შესახებ სიახლეების მოსმენა უკვე მოსწყინდა.”

იხილეთ A$AP Rocky-ის გამოსვლა Rolling Loud California 2025-ზე: 

Share
Tweet
Share
Share
Share

წინა სტატია

2025 წლის საბავშვო და საოჯახო Emmy-ს გამარჯვებულები გამოვლინდნენ

შემდეგი სტატია

Lady Gaga Frank Lebon

Lady Gaga-ს MAYHEM-ის დებიუტი Billboard 200-ის ჩარტში პირველ ადგილზეა

შეიძლება დაგაინტერესოთ

Billboard Georgia წარმოგიდგენთ: ახალი თაობის მუსიკოსები – Nemzzz (დიდი ბრიტანეთი) 

Central Cee-ს სადებიუტო ალბომ Can’t Rush Greatness-ის წარმატების შემდეგ, რომელმაც მეცხრე პოზიცია დაიკავა Billboard 200-ში, დიდი ბრიტანეთის რეპი…
მეტი
კეტი პერი The Lifetimes -ის ტურნეს ფარგლებში, 2025 წლის 23 აპრილი, მექსიკა. ფოტო: თეო ვარგო /Getty Images for Katy Perry

კეტი პერიმ ავსტრალიაში ჩატარებული კონცერტის დასასრულს აუდიტორიას ემოციური გამოსამშვიდობებელი სიტყვებით მიმართა

„მადლობა, რომ ყოველთვის ჩემ გვერდით ხართ,“ - უთხრა მომღერალმა თაყვანისმცემლებს.
მეტი