ახლახან ემინემის ქალიშვილმა, ჰეილი ჯეიდმა გაამხილა, რომ მარტში ვაჟი შეეძინა. სიახლეს, რომ ემინემს უკვე შვილიშვილი ჰყავს, სოციალურ მედიაში დიდი გამოხმაურება მოჰყვა. ამ ამბავს გამოეხმაურა ემინემის შემოქმედებითი პარტნიორი და მეგობარი 50 Cent. მან დეტროიტელ რეპერს შვილიშვილის შეძენა მიულოცა.
„გილოცავ! ეს საუკეთესო ამბავია,“ – დაწერა 50 Cent-მა 5 აპრილს X-ის (ყოფილი Twitter) პლატფორმაზე. რეპერმა პოსტს ჰეილი ჯეიდის ახალშობილი ვაჟის ფოტო დაურთო.
ჰეილი ჯეიდმა შვილის ფოტოები პირველად 5 აპრილს გაავრცელა. მან ასევე გაამხილა ბავშვის სახელი: ელიოტ მარშალ მაკლინტოკი. მისი დაბადების თარიღი 14 მარტია. ელიოტს მეორე სახელი ბაბუისგან ერგო – მარშალი ემინემის ნამდვილი სახელია.
ფანები აღფრთოვანებულები შეხვდნენ ფაქტს, რომ ბავშვის ინიციალები EMM-ია და მისი სახელი რეპერს უკავშირდება. ჰეილი ჯეიდმა ევან მაკლინტოკზე 2024 წლის მაისში იქორწინა. ცერემონიალს 50 Cent-იც ესწრებოდა.
50 Cent-ს და ემინემს 20-წლიანი მეგობრობა აკავშირებთ. მათ ერთობლივ ნამუშევრებს შორისაა ტრეკები Patiently Waiting, Crack a Bottle და სხვ. 50 Cent გასულ ზაფხულს ემინემის ალბომის, The Death of Slim Shady-ს გამოცემას გამოეხმაურა და ასევე, ისაუბრა ერთობლივი ალბომის იდეაზეც, რომელსაც გულშემატკივრები წლებია, ელოდებიან.
იხილეთ 50 Cent-ის პოსტი, რომლითაც ის ემინემს შვილიშვილის დაბადებას ულოცავს:
Congratulations 🎈👏👏👏 😏This is the best 🤦WOW! pic.twitter.com/QUZTlR1AKt
— 50cent (@50cent) April 5, 2025
