27 აპრილს და 4, 11, 15, 18, 24, 25 მაისს, ჯანსუღ კახიძის სახელობის თბილისის მუსიკალურ-კულტურული ცენტრი მე-10 საერთაშორისო მუსიკალურ ფესტივალს უმასპინძლებს.
ფესტივალი ჯანსუღ კახიძის სახელობის თბილისის მუსიკალურ-კულტურული ცენტრის ინიციატივითა და საქართველოს კულტურისა და სპორტის სამინისტროების მხარდაჭერით 2015 წელს დაარსდა. ფესტივალის გამხსნელი სეზონი მაესტრო ჯანსუღ კახიძის 80 წლის საიუბილეო თარიღს მიეძღვნა.
ფესტივალის პროგრამა თბილისის სიმფონიური ორკესტრისა და მუსიკის მსოფლიო ვარსკვლავების შემოქმედებას აერთიანებს. წლებია, ღონისძიებასთან ასოცირდებიან ისეთი საერთაშორისო ვარსკვლავები, როგორებიც არიან: The Manhattan Transfer, New York Voices, Take 6, ივან ლინსი, ბობ ჯეიმსი, პეტი ოსტინი, The Real Group, დი დი ბრიჯუოთერი, Janoska Ensemble, პაულა მორელენბაუმი, პაკიტო დ’რივერა, კურტ ელინგი, ანჟელიკ კიდჯო.
პროექტის მიზანია, მაღალი ხარისხის მუსიკალური გამოცდილება შესთავაზოს აუდიტორიას და ხელი შეუწყოს ქართული თანამედროვე მუსიკის პოპულარიზაციას. ფესტივალი საქართველოს კულტურის სამინისტროს მხარდაჭერით ტარდება.
ღონისძიების პარტნიორები არიან სასტუმრო „რუმსი“, რესტორანი „თბილისური მუხამბაზი“, მაღაზიათა ქსელი „სუფთა სახლი“, ფორტუნა“ და კომპანია „თეგეტა“.
ფესტივალის პროგრამის გასაცმობად ეწვიეთ ბმულს.
