Drake-მა ჯასტინ ბიბერს მათი შესაძლო კოლაბორაციის თაობაზე ინსტაგრამზე პირადი შეტყობინება გაუგზავნა, თუმცა, მისი თქმით, ბიბერმა არ უპასუხა. „მივწერე, მაგრამ პასუხი არ მიმიღია,“ — ამბობს დრეიკი.
6 აპრილს ჯასტინ ბიბერმა ინსტაგრამზე კოლეგებს მიმართა, რომ თუ მასთან ერთად მუსიკის შექმნა სურდათ, პირადი შეტყობინება მიეწერათ.
პოსტის ქვეშ Drake-მა კომენტარი დატოვა: „მოგწერე, მაგრამ პასუხი არ მომსვლია.“
გულშემატკივრების ნაწილი თვალყურს ადევნებს, თუ როგორ განვითარდება მოვლენები და შედგება თუ არა არტისტებს შორის კოლაბორაცია.
Drake-ისა და სხვა ათასობით ადამიანის მსგავსად, ჯასტინ ბიბერის ინსტაგრამ პოსტს ცნობილი მუსიკოსებიც გამოეხმაურნენ, მათ შორის: Big Sean, Kehlani, ბეილი ციმერმანი და ჯადენ სმიტი.
აღსანიშნავია, რომ Drake-მა და ჯასტინ ბიბერმა ერთად 2012 წელს იმუშავეს სიმღერაზე Right Here, რომელიც ბიბერის მესამე სტუდიურ ალბომ Believe-შია შესული.
Drake, როგორც ჩანს, მომავალ სოლო ალბომზე უკვე მუშაობს, რასაც წინ უსწრებს მისი და PartyNextDoor-ის თებერვალში გამოსული ერთობლივი პროექტი $ome $exy $ongs 4 U.
Drake Billboard Hot 100-ის ტოპ ხუთეულში კვლავ დაბრუნდა ჰიტით Nokia, რომელმაც მიმდინარე კვირის ჩარტში მესამე ადგილი დაიკავა.
