ჟურნალ Vogue-ის გარეკანზე A$AP Rocky-ს ინტერვიუ გამოქვეყნდა, რომელიც მოახლოებულ Met Gala-ზე რეპერის თანაწამყვანობას ეხება. ცნობისთვის, ღონისძიება 15 აპრილს გაიმართება. A$AP Rocky-ს ბებიამ სიყვარულით ისაუბრა Rihanna-ზე და აღნიშნა, თუ რა დადებითი გავლენა იქონია მომღერალმა მის შვილიშვილზე.
გამოცემას რეპერის ბებიამ, კეტიმ უთხრა, რომ ყოველთვის იცოდა, მის შვილიშვილს დიდი მომავალი რომ ექნებოდა. განსაკუთრებით კი იმით ამაყობს, რომ მისი შვილიშვილი Rihanna-სთან ერთად არის და მათ ორი პატარა ვაჟი ჰყავთ. “Rihanna-ზე გიჟდება” – ამბობს A$AP Rocky ბებიის შესახებ.
„მიხარია, რომ თავი დაიმკვიდრა და კიდევ უფრო მიხარია, რომ Rihanna-სთან ერთად არის. ის ძალიან უბრალო და ნამდვილი ადამიანია” – აღნიშნა რეპერის ბებია კეტიმ.
Rihanna-სა და A$AP Rocky-ს რომანზე ჭორები 2020 წელს გავრცელდა, ორი წლის შემდეგ მათ პირველი შვილი RZA, შეეძინათ, 15 თვის შემდეგ კი მეორე ვაჟი – Riot Rose.
Rihanna-სთან ურთიერთობა რეპერმა ასე შეაფასა: – „ეს სიყვარული არის შინაგანიც, გარეგანიც, უსასრულო, წარსულიც და მომავალიც.” Vogue-თან ინტერვიუში A$AP Rocky-მ შვილების შესახებაც ისაუბრა: „უფროსი უფრო თავისთვის არის, წიგნები უყვარს, რაიოტს კი ყურადღების ცენტრში ყოფნა მოსწონს, უფროს ძმას ნივთებს ართმევს, რომ ყურადღება მიიქციოს.”
A$AP Rocky-ს ინტერვიუ 2025 წლის Met Gala-მდე რამდენიმე კვირით ადრე გამოქვეყნდა, სადაც რეპერი თანაწამყვანებთან კოლმან დომინგოსთან, ლუის ჰემილტონთან და ფარელ უილიამსთან ერთად წარდგება. ამ თვეში ყველა მათგანი Vogue-ს სხვადასხვა გარეკანზე გამოჩნდა.
წელს Met Gala-ს თემა Superfine: Tailoring Black Style იქნება, რომელიც შავკანიანი მამაკაცების სტილსა და დანდიზმის კულტურას დაეთმობა.
A$AP Rocky უკვე დიდი ხანია, მოდაზე ორიენტირებული ჰიპ-ჰოპ ვარსკვლავია – ის საკუთარ სამოსსაც კი ქმნის. გასულ წელს მან კოლექცია სახელწოდებით American Sabotage წარადგინა.
2024 წელს Billboard-ისთვის მიცემულ ინტერვიუში რეპერმა Rihanna-სთან ურთიერთობაზე გულწრფელად ისაუბრა:
“ჩვენი ურთიერთობა შესანიშნავად მიდის, ვერ წარმომიდგენია უფრო სრულყოფილი ადამიანი. ეს ყველაფერი ურთიერთგაგებაზეა აგებული.“ – თქვა A$AP Rocky-იმ.
