კანიე უესტსა და კიმ კარდაშიანს ოთხი შვილი ჰყავთ. თუმცა, რეპერის თქმით, ერჩივნა, რომ შვილები სხვა ცნობილ სახესთან ჰყოლოდა.
Digital Nas-ის Twitch-ის სტრიმში უესტმა განაცხადა, რომ ისურვებდა, ალტერნატიულ სამყაროში კარდაშიანის ნაცვლად მისი შვილების დედა პერის ჰილტონი ყოფილიყო. 2000-იან წლებში კარდაშიანი სწორედ ჰილტონის პირად ასისტენტად მუშაობდა, სანამ თავად გახდებოდა რეალითი შოუს ვარსკვლავი.
„კიმი პერისის ასისტენტი იყო,” – ამბობს გავრცელებულ ვიდეოში რეპერი. შვილები მასთან უნდა გამეჩინა. წარმოგიდგენიათ, შვილები პერის ჰილტონთან რომ მყოლოდა? რამდენი სასტუმრო მექნებოდა ახლა. დაფიქრდით – ჰილტონი.”
ამის შემდეგ კანიემ ჰილტონი და კარდაშიანი საკუთარ თავსა და ვირჯილ აბლოს შეადარა. „კიმი ვირჯილ აბლოს როლში იყო. ის პერის ჰილტონის ვირჯილი იყო.”
უესტმა საუბარში არნოლდ შვარცენეგერის მაგალითიც მოიყვანა, რომელმაც ცოლს უღალატა და შვილი ძიძასთან გააჩინა.
„თუ არნოლდ შვარცენეგერი ხარ და შვილს ძიძასთან აჩენ, ძიძის ერთადერთი ძალა შვილზე მეურვეობაა. ასე რომ, კიმის ერთადერთი ძალა ახლა ჩემს შვილებზე კონტროლია. მე შვილები ასისტენტთან გავაჩინე.”
Kanye West says he should have had babies with Paris Hilton instead of Kim Kardashian 😂😂 pic.twitter.com/Zwpjv7uJfg
— S.s Alberto 𝕏 (@Ssalberto36) April 25, 2025
უესტისა და კარდაშიანის რომანი 2010-იან წლებში დაიწყო და 2014 წელს ქორწინებით დასრულდა. მათ ოთხი შვილი ჰყავთ: 11 წლის ნორსი, 9 წლის სენტი, 7 წლის ჩიკაგო და 5 წლის პსალმი. წყვილი ოფიციალურად 2022 წელს განქორწინდა. ამავე წელს კანიემ ურთიერთობა ბიანკა სენსორისთან დაიწყო და მალევე დაქორწინდა.
რაც შეეხება პერის ჰილტონს, რომელიც „ჰილტონის” სასტუმროების ქსელის დამფუძნებლის, კონრად ჰილტონის შვილთაშვილია, 2021 წელს ის ბიზნესმენ კარტერ რემზე დაქორწინდა. წყვილს ორი შვილი ჰყავს.
