1 მაისს Atlantic Records-მა ფილმ F1-ის საუნდტრეკ ალბომის სრული შემადგენლობა გამოაცხადა, სადაც ედ შირანი, BLACKPINK-ის წევრი ROSÉ და კიდევ რამდენიმე ვარსკვლავი მონაწილეობენ.
ედ შირანისა და K-pop ვარსკვლავის გარდა, პროექტზე ტეიტ მაკრეი, RAYE, Burna Boy, როდი რიკი, Dom Dolla, კრის სტეფელტონი, Tiësto, Sexyy Red, მაიკ ტოვერსი, მედისონ ბიერი, პეგი გოუ და სხვა არტისტებიც მუშაობდნენ. ფილმში მთავარ როლს ბრედ პიტი ასრულებს, ალბომის წამყვანი სინგლი კი რაიან ტედერის პროდიუსერობით შექმნილი სიმღერა Lose My Mind გახლავთ, რომელსაც Don Toliver და Doja Cat ასრულებენ. აღნიშნული ტრეკი ჰანს ციმერის კომპოზიციის F1 Movie Theme-ის სემპლს შეიცავს.
Top Gun: Maverick-ის რეჟისორის, ჯოზეფ კოსინსკის მიერ გადაღებულ ფილმში F1, ბრედ პიტი ყოფილი მრბოლელის, სონი ჰეისის როლს თამაშობს, რომლის კარიერაც ტრავმის გამო დასრულდა. სონი ტრასაზე ბრუნდება, რათა თავის ყოფილ თანაგუნდელს, რუბენ სერვანტესს (ხავიერ ბარდემი) დაეხმაროს.
ფილმის შემქმნელებმა საუნდტრეკებზე მუშაობისთვის სპეციალურად მოიწვიეს ორგზის გრემის მფლობელი პროდიუსერი კევინ ვივერი. F1-ის ალბომის თანაპროდიუსერები არიან ასევე Atlantic Records-ის წევრები ბრენდონ დევისი და ჯოზეფ ხური.
F1 კინოთეატრებში 27 ივნისს გამოვა, ფილმის საუნდტრეკებიც ამავე დღიდან იქნება ხელმისაწვდომი.
ნახეთ საუნდტრეკების შემსრულებელთა სრული სია და ალბომის ანონსი:
