დაახლოებით ერთი თვე გავიდა მას შემდეგ, რაც სელენა გომესმა და ბენი ბლანკომ ერთობლივი სტუდიური ალბომი I Said I Love You First გამოუშვეს, ახლა კი არტისტები გულშემატკივრებს ალბომის დელუქს ვერსიას სთავაზობენ.
დელუქს ალბომის გამოსვლის თარიღი წყვილმა ორი დღით ადრე, 30 აპრილს დააანონსა.
„ჩემი ალბომის დელუქს ვერსიას, რომელსაც @itsbennyblanco-სთან ერთად გამოვცემ, I Said I Love You First… And You Said It Back ჰქვია და ის პარასკევს, 2 მაისს გამოვა. აქ არის ახალი სიმღერები, რამდენიმე საყვარელი კომპოზიცია და განახლებული ვერსიები ორიგინალი ალბომიდან. ერთი სული მაქვს როდის მოისმენთ.” – დაწერა სელენა გომესმა ინსტაგრამზე.
დელუქს ვერსია 14 ორიგინალურ ტრეკთან ერთად კიდევ რვა ახალ კომპოზიციას აერთიანებს, მათ შორისაა აქამდე გამოუქვეყნებელი სიმღერები, რემიქსები და საინტერესო კოლაბორაციები.
ახალ სიმღერებს შორისაა: That’s When I’ll Care, Talk და Stained. რაც შეეხება კოლაბორაციებს, – GloRilla Cowboy-ს რემიქსში მონაწილეობს, DJ Sliink-მა კი Bluest Flame-ის ახალი ვერსია შექმნა, აქვე მოისმენთ Gracie Abrams-ის აკუსტიკურ ვერსიას სიმღერაზე Call Me When You Break Up, How Does It Feel to Be Forgotten-ს Vevo-ს ცოცხალი შესრულებით და სახასიათო კომპოზიციას Guess You Could Say I’m in Love, რომელიც ჯგუფ Cigarettes After Sex-თან თანამშრომლობით შეიქმნა.
სელენა გომესმა და ბენი ბლანკომ 1 მაისს სიმღერა Talk-ის ვიდეოკლიპის გამოსვლაც დააანონსეს.
წყვილი ერთმანეთს 2023 წლის ზაფხულში შეხვდა და დეკემბერში დაინიშნნენ. მათი ერთობლივი ალბომი I Said I Love You First მარტში გამოვიდა და Billboard 200-ში მე-2 ადგილი დაიკავა.
მოისმინეთ სელენა გომესის და ბენი ბლანკოს ალბომის დელუქს ვერსია – I Said I Love You First… And You Said It Back:
