9 მაისს ირანული წარმოშობის ნიდერლანდელმა არტისტმა Sevdaliza-მ ახალი სიმღერა HEROINA დაარელიზა, რომელიც არგენტინელ მუსიკოს La joaqui-სთან თანამშრომლობით შეიქმნა.
Sevdaliza-ს შემოქმედება სხვადასხვა მუსიკალური ჟანრის შერწყმითა და ვიზუალური ხელოვნების ელემენტებით გამოირჩევა. მუსიკოსმა თავის სტილს არც HEROINA-ს შემთხვევაში უღალატა და მსმენელს ღრმა შინაარსის მქონე სიმღერასთან ერთად კონცეპტუალური მეტაფორებით დატვირთული კლიპი შესთავაზა.
HEROINA განსაკუთრებულია იმითაც, რომ სიმღერის კლიპი ნაწილობრივ საქართველოში, თბილისშია გადაღებული და შემოქმედებითი ჯგუფის დიდი ნაწილი ქართველ პროფესიონალთა გუნდით არის დაკომპლექტებული. კლიპზე სერვის ფროდაქშენ კომპანიამ Radioactive Shelter-მა იმუშავა, რომლის თანადამფუძნებელი და ხელმძღვანელი წარმომავლობით ქართველი ალბერტ ზურაშვილია დარკო სკულსკისთან ერთად.
ვიდეორეჟისურა ტანუ მუნიოს ეკუთვნის, რომელიც ვიზუალურად შთამბეჭდავი ნამუშევრებით არის ცნობილი. (Doja Cat, Rosalía, Lady Gaga, Cardi B, Dua Lipa)
HEROINA ეძღვნება ყველას, ვინც ლახავს საზღვრებს და ბინარულ ჩარჩოებს სცდება. სიმღერა Sevdaliza-ს ერთგვარი ალტერ ეგოა, დაუმორჩილებლობის მანიფესტი და პატრიარქატის წინააღმდეგ გაჟღერებული გზავნილი, სადაც არტისტების ხმა თვითგამოხატვისა და კოლექტიური სოლიდარობის ნიშნად ჟღერს.
მოისმინეთ Sevdaliza-სა და La joaqui-ის ერთობლივი სიმღერა HEROINA
