17 მაისს კლუბ Noble Savage-ში ბექა გოჩიაშვილისა და თემურიკო დიასამიძის კონცერტი გაიმართება. საღამოს ქართველი არტისტი N AO გახსნის.
ვირტუოზ ჯაზპიანისტ ბექა გოჩიაშვილსა და ქართული ელექტრონული სცენის გამორჩეულ მუსიკოს თემურიკო დიასამიძეს არაერთი მუსიკალური კოლაბორაცია აკავშირებთ. მათ გამოცემული აქვთ ერთობლივი კომპოზიციები „შენ”, „ინტერვალები”, „ტრანსკავკასია” და სხვ.
ამჯერადაც მუსიკოსები მსმენელს, ტრადიციულად, ახალი თაობის მუსიკას შესთავაზებენ, რომელიც თავის თავში მოიცავს ერთდროულად იმპროვიზაციასა და ორგანიზებულ სტრუქტურას, მეხსიერებასა და ინოვაციას.
ბილეთების შეძენა შეგიძლიათ ბმულზე.
