რეივი როგორც ცირკი, აღმოსავლეთ ევროპული ესთეტიკით გატაცება, შერეული A$AP Rocky-ს, Yung Lean-ის და ბერლინური ტექნოს გავლენებთან. ღამე, გარეუბნების წვეულებები, Adidas-ის სპორტული კოსტიუმები, ჰიპ-ჰოპი პანკური განწყობით. თვითგამოხატვის და საკუთარ დემონებთან დაპირისპირების სურვილი.
Dante – ს შემოქმედება არის ოციანი წლების ნამდვილი აჯანყება, როდესაც დიდებთან ერთად მაგიდასთან ჯდები და ცდილობ, რევოლუცია მოაწყო და მოიგო. ეს ყველაფერი ერთიანდება Circo Gran Siberia-ში – მილანელი არტისტის, Dante-ს სადებიუტო ალბომში. ის 2003 წელს დაიბადა და, როგორც თავად მღერის, „იტალიაში ყველაზე ახლოსაა ახალთან”.
