Tyler, The Creator-მა 2015 წლის ალბომ Cherry Bomb-ზე კრიტიკის ტალღის შესახებ ისაუბრა და თქვა, რომ ეს მის ცხოვრებაში ერთ-ერთი საუკეთესო რამ იყო, რაც კი მომხდარა.
არტისტმა ეს ამბავი Instagram-ის ახალი ვიდეოსერიის – Ask It Anyway-ის ინტერვიუში გაიხსენა და აღნიშნა, რომ ალბომზე მიღებული კრიტიკა, ძირითადად, გადამეტებული მცდელობის შედეგი იყო.
„ჩემი მიზანი იყო საკუთარი თავისთვის დამემტკიცებინა, რომ იმ დროს ყველაზე მრავალფეროვანი პროდიუსერი ვიყავი,“ – თქვა ტაილერმა. კრიტიკამ კი მაიძულა, თავიდან მესწავლა, როგორ იწერება სიმღერა,” – აღნიშნა არტისტმა და დაამატა, “ის, რაც მაშინ გადამხდა, ერთ-ერთი საუკეთესო რამ იყო, რაც კი შეიძლებოდა მომხდარიყო – ჩემს ოსტატობას და უნარებს მეტი ყურადღება მივაქციე.“
Cherry Bomb-ის შემდეგ ტაილერმა გამოუშვა ალბომი Flower Boy, რომელიც მიმომხილველებმა და მსმენელებმა მაშინვე აღიარეს მის ერთ-ერთ საუკეთესო ნამუშევრად. რეპერის თქმით, ეს იყო პირველი ალბომი, რომლის ყდაზეც მიუთითა, რომ ყველა სიმღერის ავტორი თავად იყო და პროდიუსინგი და არანჟირებაც მასვე ეკუთვნოდა.
„უნდა უთხრა ხალხს, ვინ ხარ და მახსოვს, რომ ამის შემდეგ დამოკიდებულება ნელ-ნელა შეიცვალა. ახლა ხალხი ქვეცნობიერად უკვე სხვაგვარად აღიქვამს ფროდაქშენს – რადგან
მათ ვუთხარი, რომ ეს ჩემი გაკეთებულია,” – აღნიშნა Tyler, The Creator-მა ინტერვიუში.
ამჟამად ტაილერი Chromakopia World Tour-ს მართავს. მუსიკოსმა კიდევ ერთხელ დაადასტურა, რომ ამ ტურნეში Cherry Bomb-იდან სიმღერებს არ შეასრულებს. ერთ-ერთმა ფანმა X-ზე დაწერა, რომ კონცერტზე Cherry Bomb-ის სკანდირებას დაიწყებდა, რაზეც ტაილერმა უპასუხა: „იყვირეთ რამდენიც გინდათ. იმედია, ამას არ გააკეთებთ, საშინლად გამაღიზიანებელია შოუს დროს. არ ვაპირებ მის შესრულებას. სკანდირებაც არ მაიძულებს, გადავიფიქრო.“
ნახეთ Tyler, The Creator-ის ინტერვიუ გადაცემაში Ask It Anyway:
