DEENA (ელენე გიგანი) 21 წლის არტისტია თბილისიდან. „დინა” სვანურ ენაზე გოგოს ნიშნავს. სწორედ სვანური წარმოშობის გამო აირჩია მომღერალმა სასცენო ფსევდონიმი. მისი სადებიუტო ალბომი Low Love 2022 წელს Didube Records-მა გამოსცა.
DEENA-ს მუსიკა ტრეპის, პოპისა და R&B-ის შთაგონებითაა შექმნილი. დისჰარმონიული, დისონანსური და კონტრინტუიციური გადაწყვეტები, რომლებიც მის მელოდიურ და სენტიმენტალურ ვოკალს ერწყმის, გვიყვება გოგოს კონფლიქტურ არსებობაზე საქართველოში, ინტერნეტზე ორიენტირებული ურთიერთობებისა და გლობალური კულტურის სამყაროში.
ბოლო რელიზი: „გრიგალი” (2025 წლის 1-ელი აპრილი)
